'दीवार' सिनेमानंतर अमिताभ बच्चन यांची बॉलिवूडमध्ये 'अँग्री यंग मॅन' म्हणून ओळख निर्माण झाली. आज सिनेमाला 42 वर्षे पूर्ण झाल्यानिमित्त अमिताभ बच्चन यांनी ट्विटरच्या माध्यमातून आपली प्रतिक्रिया व्यक्त केली.
या सिनेमात मुंबईतील गल्ल्यांमधील जीवन चित्रित केले असून, सिनेमाची कथा दोन भावांच्या संघर्षावर आधारलेली होती. हे दोघेही भाऊ आपल्या भूतकाळामुळे वेगवेगळ्या मार्गावर चालले होते. या सिनेमात महानायक अमिताभ बच्चन यांच्यासोबत शशी कपूर, परवीन बॉबी, नीतू सिंह आणि निरुपा रॉय प्रमुख भूमिकेत होते.