Alia Bhatt Buys New Car : बॉलिवूड अभिनेत्री आलिया भट्ट (Alia Bhatt) सध्या चर्चेत आहे. आलियाला नुकताच 'गंगूबाई काठियावाडी' (Gangubai Kathiawadi) या सिनेमासाठी राष्ट्रीय पुरस्कार मिळाला आहे. दिल्लीत राष्ट्रपती द्रौपदी मुर्मू (Draupadi Murmu) यांच्या हस्ते आलियाला पुरस्काराने सन्मानित करण्यात आले. पण आता अभिनेत्री एका वेगळ्याच कारणाने चर्चेत आली आहे. आलिया भट्टने नवरात्रीत आलिशान कार खरेदी केली आहे.
आलियाचा नव्या कारचा व्हिडीओ सोशल मीडियावर व्हायरल होत आहे. आलिया भट्टने रेंज रोवर Autobiography Long Wheel ही कार खरेदी केली आहे. रेंज रोवरच्या या नव्या मॉडेलची किंमत तब्बल 3.81 कोटी रुपये असल्याचं म्हटलं जात आहे. अभिनेत्रीने नव्या गाडीची पूजादेखील केली आहे.
आलिया भट्टकडे आलिशान गाड्यांचं कलेक्शन...
आलिया भट्टकडे अनेक महागड्या गाड्या आहेत. तिच्या आलिशान गाड्यांमध्ये लँड रोवर-Range Rover Vogue, ऑडी A6, BMW 7-Series, Audi Q5, Audi Q7 या गाड्यांचा समावेश आहे. आता यादीत रेंज रोवर Autobiography Long Wheel चाही समावेश झाला आहे. आलियासह रणवीरकडेही (Ranbir Kapoor) अनेक चांगल्या गाड्यांचं कलेक्शन आहे. यात लँड रोवर रेंज ऑटोबायोग्राफी, ऑडी A8 L, Mercedes-Benz G63, Audi A8 L, Audi R8 या गाड्यांचा समावेश आहे.
राष्ट्रीय पुरस्काराने आलियाचा गौरव
आलिया भट्ट बॉलिवूडमधील लोकप्रिय अभिनेत्री आहे. आलियाला 'गंगूबाई काठियावाडी' या सिनेमासाठी राष्ट्रीय पुरस्काराने सन्मानित करण्यात आले आहे. तिच्या करिअरमधला हा पहिलाच राष्ट्रीय पुरस्कार आहे. संजय लीला भन्साळी यांनी या सिनेमाच्या दिग्दर्शनाची धुरा सांभाळली होती. या सिनेमातील आलिया भट्टच्या कामाचं सर्वत्र कौतुक झालं आहे.
आलिया भट्टच्या आगामी प्रोजेक्टबद्दल जाणून घ्या... (Alia Bhatt Upcoming Project)
आलिया भट्टने 'हार्ट ऑफ स्टोन' या सिनेमाच्या माध्यमातून हॉलिवूडमध्ये पदार्पण केलं आहे. नेटफ्लिक्सवर प्रेक्षकांना हा सिनेमा पाहता येईल. काही दिवसांपूर्वी तिचा 'रॉकी और रानी की प्रेम कहानी' हा सिनेमा प्रेक्षकांच्या भेटीला आला होता. 'जिगरा' हा तिचा आगामी सिनेमा आहे. 27 सप्टेंबर 2024 रोजी हा सिनेमा प्रेक्षकांच्या भेटीला येईल. 'जी ले जरा' या सिनेमातही आलिया झळकू शकते.
संबंधित बातम्या