Alia Bhatt Baby Shower : बॉलिवूड अभिनेत्री आलिया भट्ट (Alia Bhatt) गेल्या अनेक दिवसांपासून चर्चेत आहे. तिचा 'ब्रह्मास्त्र' सिनेमा सध्या बॉक्स ऑफिसवर धुमाकूळ घालतो आहे. गेल्या काही दिवसांपूर्वी आलिया बॉलिवूड अभिनेता रणबीर कपूरसोबत (Ranbir Kapoor) लग्नबंधनात अडकली आहे. सध्या आलिया 'ब्रह्मास्त्र'सह प्रेग्नन्सीमुळे चर्चेत आहे. लवकरच तिचा डोहाळे जेवणाचा कार्यक्रम होणार आहे.
'डार्लिंग' आलिया भट्ट लवकरच आई होणार आहे. त्यामुळे 'ब्रह्मास्त्र'च्या प्रमोशनला कोणता ड्रेस घातलाय ते बेबी बंप कसे फ्लॉंट केले अशा आलियाच्या प्रत्येक हालचालींवर सध्या चाहते लक्ष ठेवून आहेत. आलियाचा डोहाळे जेवणाचा कार्यक्रम लवकरच पार पडणार आहे. सध्या सोनी राजदान आणि नीतू कपूर डोहाळे जेवणाचं नियोजन करत आहेत.
बाळाच्या स्वागताला आजी सज्ज
'ब्रह्मास्त्र'च्या यशामुळे आलिया सध्या सेलिब्रेशन मोडमध्ये आहे. लवकरच तिच्या डोहाळे जेवणाचा कार्यक्रम पार पडणार असल्याने तिच्या सेलिब्रेशनमध्ये आणखी भर पडली आहे. सोनी राजदान आणि नीतू कपूरने आलियाच्या डोहाळे जेवणाच्या तयारीला सुरुवात केली आहे. जवळच्या मंडळींच्या उपस्थितीत मुंबईतील एका पंचताराकिंत हॉटेलमध्ये आलियाच्या डोहाळे जेवणाचा कार्यक्रम होणार आहे.
डोहाळे जेवणाच्या कार्यक्रमात सेलिब्रिटींची मांदियाळी
आलियाच्या डोहाळे जेवणाच्या कार्यक्रमात सेलिब्रिटींची मांदियाळी असणार आहे. अनुष्का रंजन, आकांक्षा रंजन, आरती शेट्टी, करीना कपूर खान, करिश्मा कपूर, श्वेता बच्चन, नव्या नंदा, शाहीन भट्ट ही मंडळी डोहाळे जेवणाच्या कार्यक्रमात उपस्थित राहणार आहेत. या महिन्याच्या शेवटी आलियाचा डोहाळे जेवणाचा कार्यक्रम होऊ शकतो, असा अंदाज वर्तवला जात आहे.
आलियाचा डोहाळे जेवणाचा कार्यक्रमदेखील लग्नाप्रमाणे उत्सुकता वाढवणारा असणार असल्याचे म्हटले जात आहे. आलिया भट्ट आणि रणबीर कपूर 14 एप्रिल 2022 रोजी लग्नबंधनात अडकले होते. लग्नाच्या तीन महिन्यानंतर आलियाने चाहत्यांना गुड न्यूज दिली होती. आलियाचा लवकरच रॉकी और रानी की प्रेम कहानी हा सिनेमा प्रेक्षकांच्या भेटीला येणार आहे. या सिनेमात आलिया रणवीर सिंहसोबत रुपेरी पडद्यावर झळकणार आहे.
संबंधित बातम्या