Akshaya - Hardik Engagement : 'तुझ्यात जीव रंगला' (Tujhyat jeev Rangla) मालिकेतील राणा दा आणि पाठकबाईं म्हणजेच हार्दिक जोशी (hardeek joshi) आणि अक्षया देवधरचा (Akshaya Deodhar) नुकताच साखरपुडा पार पडला. सोशल मीडियावर पोटो शेअर करत त्यांनी चाहत्यांना आनंदाची बातमी दिली होती. आता अक्षयाने साखरपुडा समारंभाचा एक व्हिडीओ शेअर करत चाहत्यांचे आभार मानले आहेत.
हार्दिक आणि अक्षयाने अक्षय्य तृतीयाच्या दिवशी गपचूप साखरपुडा करत चाहत्यांना आनंदाची बातमी दिली होती. त्यांचे साखरपुड्याचे फोटो सोशल मीडियावर चांगलेच व्हायरल झाले. अनेक सेलिब्रिटींनी आणि चाहत्यांनी त्यांच्या फोटोंवर अभिनंदनाचा वर्षाव केला. त्यामुळे आता अक्षयाने साखरपुडा समारंभाचा एक व्हिडीओ शेअर करत चाहत्यांचे आभार मानले आहेत.
अक्षयाने व्हिडीओ शेअर करत लिहिले आहे, तुम्हा सर्वांकडून आम्हाला प्रेम आणि आशीर्वाद मिळत आहे. तुम्ही करत असलेलं हे प्रेम आम्ही शब्दात मांडू शकत नाही. साखरपुडा झाल्यापासून आमच्यावर अभिनंदनाचा वर्षाव होत आहे. अक्षया आणि हार्दिक म्हणजेच तुमचे राणा आणि अंजली तुमचे आभारी आहोत.
संबंधित बातम्या