Adipurush Trailer: साऊथ चित्रपटसृष्टीतील प्रसिद्ध अभिनेता प्रभासचा (Prabhas) आदिपुरुष (Adipurush) हा चित्रपट गेल्या काही दिवसांपासून चर्चेत आहे. या चित्रपटाची प्रेक्षक उत्सुकतेने वाट बघत आहेत. आदिपुरुष या चित्रपटाचं दिग्दर्शन ओम राऊतनं (Om Raut) केलं आहे. काही महिन्यांपूर्वी या चित्रपटाचा टीझर प्रेक्षकांच्या भेटीस आला होता. तसेच या चित्रपटाचे काही पोस्टर्स देखील रिलीज करण्यात आला. आता प्रेक्षक या चित्रपटाच्या ट्रेलरची उत्सुकतेने वाट बघत आहेत. लवकरच या चित्रपटाचा ट्रेलर प्रेक्षकांच्या भेटीस येणार आहे.
'आदिपुरुष' चित्रपटाचा ट्रेलर कधी होणार रिलीज?
रिपोर्टनुसार, प्रभास, कृती सेनन (Kriti Sanon), सैफ अली खान (Saif Ali Khan), ओम राऊत आणि भूषण कुमार 9 मे 2023 रोजी मुंबईत एका भव्य कार्यक्रमात आदिपुरुष चित्रपटाचा भव्य ट्रेलर रिलीज करतील. हा ट्रेलर अंदाजे 3 मिनिटांचा असणार आहे. आदिपुरुष चित्रपटाची टीम 8 मे रोजी हैदराबादमध्ये प्रभासच्या चाहत्यांना ट्रेलर दाखवणार आहे, असंही म्हटलं जात आहे. 'आदिपुरुष' हा चित्रपट 16 जून रोजी प्रेक्षकांच्या भेटीस येणार आहे. प्रेक्षक या चित्रपटाची उत्सुकेतेने वाट बघत आहेत.
आदिपुरुष चित्रपटाची स्टार कास्ट
आदिपुरुष या चित्रपटात प्रभास हा रामाच्या भूमिकेत दिसणार आहे. तर अभिनेत्री कृती सेनन सीता ही भूमिका साकारणार आहे. तर सैफ अली खान रावणाची भूमिका साकारणार आहे. तसेच लक्ष्मण या भूमिकेत सनी सिंह असणार आहे आणि हनुमानाच्या भूमिकेत देवदत्त नागे दिसरणार आहे.
प्रभासचा 'आदिपुरुष' आधी 11 ऑगस्ट 2022 रोजी सिनेमागृहात प्रदर्शित होणार होता. पण काही कारणाने या सिनेमाची रिलीज डेट पुढे ढकलण्यात आली. आदिपुरुष हा चित्रपट आता 16 जून 2023 रोजी प्रेक्षकांच्या भेटीस येणार आहे.
'आदिपुरुष' चित्रपट अडकला वादाच्या भोवऱ्यात
'आदिपुरुष' या चित्रपटाचा टीझर रिलीज झाल्यानंतर हा चित्रपट वादाच्या भोवऱ्यात अडकला आहे. टीझरमध्ये वापरण्यात आलेल्या व्हीएफएक्सवर मोठ्या प्रमाणात टीका होत आहे. या चित्रपटातील सैफ अली खानच्या लूकला देखील अनेकांनी ट्रोल केलं होतं.
इतर महत्त्वाच्या बातम्या: