Adipurush: आज (30 मार्च) देशभरात राम नवमी (Ram Navami) उत्साहानं साजरी केली जात आहे. आज राम नवमी दिवशी अभिनेता प्रभासच्या (Prabhas) आदिपुरुष (Adipurush) या चित्रपटाचं नवं पोस्ट प्रेक्षकांच्या भेटीस आलं आहे. दिग्दर्शक ओम राऊतनं (Om Raut) आदिपुरुष या चित्रपटाचं हे नवं पोस्ट सोशल मीडियावर शेअर केलं आहे. या पोस्टरनं नेटकऱ्यांचे लक्ष वेधलं आहे.
ओम राऊतनं शेअर केलेल्या आदिपुरुष या चित्रपटाच्या पोस्टमध्ये प्रभास हा श्री रामाच्या भूमिकेत दिसत आहे तर क्रिती सेनन (Kriti Sanon) ही सीतेच्या भूमिकेत दिसत आदिपुरुष चित्रपटातील दोन अभिनेते देखील या पोस्टमध्ये दिसत आहेत. मराठमोळा अभिनेता देवदत्त नागे (Devdatta Nage) हा आदिपुरुष या चित्रपटात रामभक्त हनुमानाची भूमिका साकारत आहे. तर अभिनेता सनी सिंह (Sunny Singh) हा लक्ष्मण ही भूमिका साकारत आहे.
ओम राऊतसोबतच क्रिती, प्रभास, देवदत्त आणि सनी सिंह यांनी देखील आदिपुरुष चित्रपटाचे हे नवे पोस्ट सोशल मीडियावर शेअर केलं आहे. या पोस्टरला त्यांनी कॅप्शन दिलं, 'मंत्रों से बढके तेरा नाम, जय श्री राम' आदिपुरुष हा चित्रपट 16 जून रोजी रिलीज होणार आहे.
500 कोटींच्या बजेटमध्ये 'आदिपुरुष' सिनेमाची निर्मिती करण्यात आली आहे. आदिपुरुष हा चित्रपट आहे हिंदी, तामिळ, मल्याळम, कन्नड या भाषांमध्ये रिलीज होणार आहेत. प्रभासचा 'आदिपुरुष' आधी 11 ऑगस्ट 2022 रोजी सिनेमागृहात प्रदर्शित होणार होता. पण काही कारणाने या सिनेमाची रिलीज डेट पुढे ढकलण्यात आली. रिलीज डेट पुढे ढकलल्यानंतर हा सिनेमा 2023 मध्ये रिलीज करण्यात येईल असे सांगण्यात आले. पण अखेर आता हा सिनेमा येत्या 16 जूनला प्रेक्षकांच्या भेटीला येणार आहे.
'आदिपुरुष' या चित्रपटाचा टीझर रिलीज झाल्यानंतर हा चित्रपट वादाच्या भोवऱ्यात अडकला आहे. टीझरमध्ये वापरण्यात आलेल्या व्हीएफएक्सवर मोठ्या प्रमाणात टीका होत आहे. तसेच या चित्रपटातील सैफच्या लूकवरूनही वाद निर्माण झाला. अनेकांनी सैफच्या लूकवर प्रश्न चिन्ह उपस्थित केले होते.
इतर महत्त्वाच्या बातम्या: