Pranitha Subhash : अभिनेत्री प्रणिता सुभाषने (Pranitha Subhash) शुक्रवारी एका गोंडस मुलीला जन्म दिला. साऊथ स्टार प्रणिताने तिच्या हॉस्पिटलच्या खोलीतील स्वतःचा आणि मुलीचा फोटो सोशल मीडियावर शेअर करून चाहत्यांना ही आनंदाची बातमी दिली आहे. अभिनेत्री प्रणिता सुभाष कन्नड, तेलगू, तामिळ आणि हिंदी चित्रपटांमध्ये दिसली आहे. आता आई झाल्यावर प्रणितावर शुभेच्छांचा वर्षाव होत आहे.


शुक्रवारी, 10 जून 2022 रोजी, सुंदर अभिनेत्री प्रणिताने तिच्या इन्स्टाग्राम हँडलवर तिच्या बाळाच्या जन्माची घोषणा करताना काही फोटो शेअर केले आहेत. या फोटोंमध्ये ती हॉस्पिटलच्या बेडवर पडली आहे. पहिल्या फोटोमध्ये ती आपल्या बाळाला कुशीत घेऊन तिच्याकडे पाहत आहे. दुसऱ्या आणि तिसऱ्या फोटोमध्ये ती हॉस्पिटलच्या डॉक्टरांसोबत पोज देत आहे. फोटो शेअर करताना प्रणिताने कॅप्शनमध्ये लिहिले की, 'आमच्या मुलीचा जन्म झाल्यापासून, गेले काही दिवस अनोखे होते. ही जन्मकथा तुम्हा सर्वांना सांगण्यासाठी मी आतुरतेने वाट पाहत आहे.’ प्रणिताने अद्याप तिच्या मुलीचा चेहरा चाहत्यांना दाखवलेला नाही.



चाहते आणि सेलिब्रिटी करतायत अभिनंदन!


सोशल मीडियाद्वारे प्रणितावर अभिनंदनाचा वर्षाव होत आहे. या पोस्टवर कमेंट करताना, प्रकाश राज यांच्या पत्नी कोरिओग्राफर पोनी प्रकाश राज यांनी लिहिले, ‘अभिनंदन, मातृत्वात स्वागत आहे.’ यासह अनेक चाहत्यांनीही अभिनेत्रीचे अभिनंदन केले.


व्यावसायिकाशी बांधली लग्नगाठ


प्रणिताने गेल्या वर्षी 30 मे 2021 रोजी बेंगळुरूस्थित बिझनेसमन नितीन राजू यांच्याशी लग्न केले होते आणि तिने 1 जून रोजी सोशल मीडियाच्या माध्यमातून चाहत्यांना तिच्या लग्नाची माहिती दिली होती. एका खाजगी समारंभात त्यांचे लग्न झाले होते. नितीनच्या 34व्या वाढदिवशी, अभिनेत्रीने तिच्या पहिल्या बाळाच्या आगमनाची आनंदाची बातमी शेअर केली होती. प्रणिता सुभाषच्या करिअरबद्दल बोलायचे झाले, तर तिने तेलुगूमध्ये 'बावा' (2010) या चित्रपटातून पदार्पण केले. यामधून तिला खूप प्रसिद्धी मिळाली. नंतर ती 2013 मध्ये रिलीज झालेल्या तेलुगु फिल्म ‘अत्तारिंटिकी दरेडी’, ‘हंगामा 2 ‘ आणि ‘ब्रह्मोत्सवम’सारख्या चित्रपटांमध्ये काम करताना दिसली होती.  


हेही वाचा :