नंदामुरी हरिकृष्णा हे दक्षिणेतील प्रसिद्ध अभिनेता ज्युनियर एनटीआर यांचे वडिल होते. हरिकृष्णा यांचा दुसरा मुलगा कल्याण राम हा सुद्धा दक्षिणेकडील सिनेमातील प्रसिद्ध अभिनेता आहे.
हरिकृष्णा हे टीडीपी पॉलिट ब्युरोचे सदस्य आणि आंध्र पदेशचे मुख्यमंत्री एन. चंद्रबाबू नायडू यांचे नातेवाईकही होते.
फॅनच्या लग्नाला जाताना दुर्घटना
हरिकृष्णा हे कवालीवरुन नेल्लोरला जात होते. एक चाहत्याच्या लग्नाला जात असताना भीषण अपघात झाला. नालगोंडा हायवेवर त्यांची गाडी दुभाजकला धडकली. अपघातावेळी हरिकृष्णा स्वत: गाडी चालवत होते. अपघातानंतर त्यांना तातडीने रुग्णालयात दाखल करण्यात आलं. मात्र जबर जखमी झालेल्या हरिकृष्णा यांची उपचारादरम्यान प्राणज्योत मालवली. अपघात झालं ते ठिकाण हैदराबादपासून जवळपास 100 किमी अंतरावर आहे.
याच हायवेवर मुलाचाही मृत्यू
ज्या हायवेवर हरिकृष्णा यांचा अपघाती मृत्यू झाला, त्याच हायवेवर 2014 मध्ये त्यांच्या मुलाचाही मृत्यू झाला होता. दुर्दैवी योगायोग म्हणजे ज्याठिकाणी हरिकृष्ण यांचा अपघात झाला, त्या ठिकाणाच्या काही अंतरावरच त्यांच्या मुलाचा अपघाती मृत्यू झाला होता.
जिथे मुलाचा मृत्यू, त्याच हायवेवर वडिलांचा अपघात, अभिनेते नंदामुरी हरिकृष्णांचं निधन