नवी दिल्ली : बॉलिवूड अभिनेता अक्षय कुमारने दिवाळीनिमित्त देशवासियांना खास पद्धतीने शुभेच्छा दिल्या आहेत. सोशल मीडियाच्या माध्यमातून लोकांना दिवाळीच्या शुभेच्छा देताना त्याने आपल्या आगामी ‘राम सेतु’ चित्रपटाचा पहिला लूक जाहीर केला आहे. या चित्रपटात अक्षय कुमार मुख्य भूमिकेत दिसणार आहे.
इंस्टाग्रामवर 'राम सेतु' या त्यांच्या आगामी चित्रपटाचा पहिला लूक प्रसिद्ध करताना अक्षय कुमार यांनी लिहिले की, "या दिवाळीला, भारत राष्ट्राचे आदर्श आणि महानायक भगवान श्रीरामाची महान स्मृती युगान युगे भारताच्या चेतनांमध्ये सुरक्षित ठेवण्यासाठी एक असा पूल तयार करावा, जो भविष्यातील पिढ्यांना रामाशी जोडेल. यात आमचा खारीचा वाटा आहे 'राम सेतु'." आपणा सर्वांना दिवाळीच्या हार्दिक शुभेच्छा.
'माऊली'चं माऊली प्रेम, रितेश देखमुखने शेअर केला अनोखा व्हिडिओ
सोशल मीडियावर समोर आलेल्या अक्षयच्या आगामी 'राम सेतु' चित्रपटाच्या फर्स्ट लूकला बातमी लिहिण्यापर्यंत 7 लाखाहून अधिक लाईक्स मिळाल्या आहेत. त्याचवेळी अक्षय कुमार अतिशय गंभीर मुद्रेत दिसला आहे. ज्यामध्ये तो डेनिम शर्ट आणि ग्रे कार्गो परिधान करताना दिसत आहे. यासोबतच त्याने आपल्या गळ्यात भगवा रंगाचा कपडाही लपेटला आहे. अक्षयच्या पार्श्वभूमीवर भगवान श्री राम यांचे चित्र दिसत आहे.
आगामी ‘राम सेतु’ चित्रपटाचे दिग्दर्शन अभिषेक शर्मा करत आहेत. यासोबतच अरुणा भाटिया आणि विक्रम मल्होत्रा या चित्रपटाच्या निर्माते आहेत. यापूर्वी दिग्दर्शक अभिषेक शर्मा यांनी अक्षयच्या ‘मंगल मिशन’ चित्रपटाचे दिग्दर्शनही केले आहे.
सिंधुदुर्ग : रामसेतू बांधण्यासाठी वापरलेला दगड पाहण्यासाठी मोठी गर्दी