Dasvi : अभिषेक बच्चनचा 'दसवीं' जिओ सिनेमा आणि नेटफ्लिक्सवर होणार प्रदर्शित

एबीपी माझा वेब टीम Updated at: 14 Mar 2022 04:59 PM (IST)

Edited By: मंजिरी पोखरकर

Abhishek Bachchan : अभिषेक बच्चनचा आगामी 'दसवीं' सिनेमा नेटफ्लिक्स आणि जिओ सिनेमावर प्रदर्शित होणार आहे.

Dasvi

Dasvi : बॉलिवूड अभिनेता अभिषेक बच्चनचा (Abhishek Bachchan) 'दसवीं' सिनेमा लवकरच प्रेक्षकांच्या भेटीला येणार आहे. या सिनेमात अभिषेक गंगाराम चौधरीच्या भूमिकेत दिसणार आहे. सिनेमाचा टीझर प्रदर्शित झाल्याने प्रेक्षक सिनेमाची आतुरतेने वाट पाहत आहेत. हा सिनेमा जिओ सिनेमा आणि नेटफ्लिक्स या ओटीटी प्लॅटफॉर्मवर प्रदर्शित होणार आहे.

'दसवीं' सिनेमात अभिषेक बच्चन तुरुंगात अभ्यास करताना दिसणार आहे. सिनेमाचा टीझर शेअर करत अभिषेकने लिहिले आहे, "दहावीच्या विद्यार्थ्यांना एका विद्यार्थ्याकडून परिक्षेसाठी शुभेच्छा". 'दसवीं'चा टीझर प्रेक्षकांच्या पसंतीस पडत आहे.

टीझरमध्ये अभिषेक बच्चन म्हणतो, जास्त आवाज करू नका. मी दहावीच्या परिक्षेची तयारी करत आहे. तुरुंगात अभ्यास करणं हा माझा शिक्षणाचा हक्क आहे. या सिनेमात यामी गौतम, निम्रत कौर, अभिषेकसह अनेक कलाकार महत्त्वाच्या भूमिका साकारताना दिसणार आहेत. तुषार जलोटा यांनी या सिनेमाचे दिग्दर्शन करत आहेत.

संबंधित बातम्या