Aamir Khan: अभिनेता आमिर खान (Aamir Khan) आणि त्याची एक्स वाईफ रीना दत्ता (Reena Dutta) यांची मुलगी आयरा खानचा
लग्नसोहळा काही दिवसांपूर्वी पार पडला. आयरानं नुपूर शिखरेसोबत ख्रिश्चन पद्धतीनं लग्न केलं. आयरा आणि नुपूर यांच्या विवाह सोहळ्यातील अनेक फोटो आणि व्हिडीओ सोशल मीडियावर व्हायरल झाले. अशातच आयराच्या लग्नातील आमिर खानच्या डान्सचा व्हिडीओ सोशल मीडियावर व्हायरल झाला आहे. या व्हिडीओनं अनेकांचे लक्ष वेधले आहे.
"आती क्या खंडाला..." गाण्यावर आमिरचा जबरदस्त डान्स
सोशल मीडियावर व्हायरल झालेल्या एका व्हिडीओमध्ये गुलाम चित्रपटातील 'आती क्या खंडाला' या गाण्यावर आमिर डान्स करताना दिसत आहे. तसेच या व्हिडीओमध्ये आमिरसोबत इम्रान खान आणि इतर लोक देखील डान्स करताना दिसत आहेत. अशातच व्हिडीओमध्ये डीजे देखील दिसत आहे.
लग्नसोहळ्याच्या आदल्या दिवशी संगीत समारंभात, आमिरने त्याची एक्स वाईफ किरण राव आणि त्यांचा मुलगा आझाद यांच्यासह फुलों का तारो का हे गाणे स्टेजवर सादर केलं होतं. त्यांच्या या गाण्याचा व्हिडीओ देखील सोशल मीडियावर व्हायरल झाला आहे.
पाहा व्हिडीओ:
3 जानेवारी रोजी आयरा खान आणि नुपूर शिखरे यांनी मुंबईच्या ताज लँड्स एंड येथे रजिस्टर मॅरेज केले. या रजिस्टर मॅरेजसाठी नुपूर त्याच्या घरापासून वेडिंग वेन्यूपर्यंत जॉगिंग करून आला होता. वेडिंग वेन्यू येथील नुपूरच्या हटके वरातीची चर्चा सोशल मीडियावर झाली.
थाटात पार पडणार रिसेप्शन सोहळा
आमिर खानच्या मुलीचा रिसेप्शन सोहळ्या अंबानींच्या NMACC मैदानावर होणार आहे, असं म्हटलं जात आहे. रिपोर्टनुसार, या रिसेप्शनमध्ये 2500 हून अधिक पाहुणे सहभागी होणार आहेत. आमिर खाननं रिसेप्शन सोहळ्यासाठी एक खास मेनू यादी तयार केली आहे, ज्यामध्ये 9 प्रकारच्या डिशेस आहेत. यामध्ये महाराष्ट्रीयन खाद्यपदार्थांपासून गुजराती, लखनौवी खाद्यपदार्थांपर्यंत सर्व प्रकारच्या पदार्थांचा समावेश असेल. आमिर खानच्या मुलीच्या रिसेप्शन पार्टीला शाहरुख खानपासून सलमान खानपर्यंत सर्वजण हजेरी लावणार आहेत, असं म्हटलं जात आहे.
संबंधित बातम्या: