Salman Khan in RSS event: जाज्वल्य आणि प्रखर हिंदुत्त्ववादी विचारसरणीसाठी ओळखल्या जाणाऱ्या आणि अखंड भारताचे स्वप्न उराशी बाळगून असणाऱ्या राष्ट्रीय स्वयंसेवक संघाच्या शताब्दी वर्षानिमित्त मुंबईत एका भव्यदिव्य कार्यक्रमाचे आयोजन करण्यात आले आहे. मुंबईतील नेहरु सेंटर येथे पुढील दोन दिवस राष्ट्रीय स्वयंसेवक संघाच्या शताब्दी वर्षानिमित्त व्याख्यानमाला ठेवण्यात आली आहे. शनिवारी या व्याख्यानमालेचा शुभारंभ झाला. या उद्घाटनाच्या कार्यक्रमाला सुभाष घई, अश्विनी भावे, हेमा मालिनी यांच्यासह अनेक बॉलीवूड सेलिब्रिटी हजर होते. मात्र, या सगळ्यांमध्ये बॉलीवूड इंडस्ट्रीचा भाईजान म्हणजे सलमान खान आकर्षणाचा केंद्रबिंदू ठरला.
राष्ट्रीय स्वयंसेवक संघाच्या 'नवे क्षितिज' या व्याख्यानमालेसाठी बॉलीवूडमधील अनेक सेलिब्रिटी उपस्थित होते. मात्र, याठिकाणी सलमान खान आल्यानंतर सगळ्या कॅमेऱ्यांची तोंडं एका झटक्यात त्याच्याकडे वळाली. सलमान खानभोवती अनेकांचा गराडा पडला. त्यामुळे एका अर्थाने राष्ट्रीय स्वयंसेवक संघाच्या या कार्यक्रमात अभिनेता सलमान खान शो स्टॉपर ठरला.
राष्ट्रीय स्वयंसेवक संघाने सुरू केलेल्या कार्याला 100 वर्षे पूर्ण झाली आहेत. डॉ. केशव बळीराव हेडगेवार यांनी स्थापित केलेल्या राष्ट्रीय स्वयंसेवक संघात अनेक जण सहभागी झाले. हिंदू समाजाला संघटित, शिस्तबद्ध आणि बळकट बनवण्याच्या उद्देशाने या संघाची स्थापना करण्यात आली. या संघातील अनेक जणांनी यशाची उंची गाठली. राष्ट्रीय स्वयंसेवक संघाच्या शताब्दी वर्षाच्या निमित्ताने मुंबईमधील नेहरू सेंटरवर भव्य दिव्य कार्यक्रमाचे आयोजन करण्यात आले. 'नवे क्षितिज' या नावाने होणाऱ्या कार्यक्रमामध्ये आज सरसंघचालक मोहन भागवत यांचे व्याख्यान होत आहे. आजपासून पुढचे दोन दिवस व्याख्यानमाला होणार आहे. त्यांच्या उपस्थितीत हा कार्यक्रम होत आहे.
तर, उद्या त्यांच्यासोबत प्रश्न उत्तरांचे सत्र पार पडेल अशी माहिती आहे. या विशेष कार्यक्रमात बॉलिवूड सेलिब्रिटी, खेळाडू यांच्यासह साधारण 900 जणांना आमंत्रण देण्यात आलंय. राष्ट्रीय स्वयंसेवक संघाच्या भव्य दिव्य कार्यक्रमात अभिनेता सलमान खान, सुभाष घई, अश्विनी भावे, सुनील बर्वे आणि हेमा मालिनी अशा अनेक चित्रपट क्षेत्रातील मान्यवरांची उपस्थिती पाहायला मिळाली.
दरम्यान, सलमान खानची कार्यक्रमात एन्ट्री होताच उपस्थित मान्यवर तसेच कॅमेऱ्याची तोंडं आपसुकच सलमान खानकडे वळाली. या कार्यक्रमात सलमान खानची उपस्थिती पाहून अनेकांच्या भुवया उंचावल्या.
महत्त्वाच्या इतर बातम्या:
सिनेसृष्टीवर शोककळा! ह्रदयविकाराचा झटका अन् 'द फॅमिली मॅन' सिनेमातील अभिनेत्याचे निधन
प्रेक्षकांसाठी खुशखबर! सनम तेरी कसम चित्रपटाचा सिक्वेल येणार; 10 वर्षांनंतर मेकर्सची मोठी घोषणा