Bigg Boss 15 Final : संपूर्ण देशभरात बिग बॉसचे चाहते आहेत. याच बिग बॉसचा 15 चा आज ग्रॅन्ड फिनाले आहे. आता विजयाची ट्रॉफी कोण पटकावणार याबाबत मात्र प्रेक्षकांमध्ये प्रचंड उस्तुकता निर्माण झाली आहे. बिग बॉसचा15 चा ग्रॅन्ड फिनाले धमाकेदार तर होणारंच आहे. पण त्यात चार चॉंद लावायला आज दीपिका पदुकोण घरात एन्ट्री करणार आहे. दीपिकाचा आगामी चित्रपट गेहराईयां (Gehraiyaan) हा 11 फेब्रुवारी रोजी चित्रपटगृहात रिलीज होणार आहे. याच चित्रपटाच्या प्रमोशनसाठी दिपीका आज बिग बॉसच्या मंचावर अवतरणार आहे.
या चित्रपटात दीपिका पदुकोण (Deepika padukone), सिद्धांत चतुर्वेदी (Siddhant Chaturvedi) अनन्या पांडे (Ananya Panday) आणि धैर्य करवा (Dhairya Karwa) व्यतिरिक्त या चित्रपटात नसीरुद्दीन शाह आणि रजत कपूर यांच्या महत्त्वाच्या भूमिका आहेत. मित्र मैत्रिणीतील नातेसंबंध आणि त्यातून होणारी फसवणूक यावर आधारित हा चित्रपट आहे. दीपिकाचा बोल्ड अंदाज असलेला हा चित्रपट पाहण्यासाठी प्रेक्षक प्रचंड उत्सुक आहेत.
हे आहेत पाच दावेदार
दरम्यान, बिग बॉसच्या 15 च्या घरात आता करन कुंद्रा, निशांत भट्ट, शमिता शेट्टी, तेजस्वी प्रकाश आणि प्रतिक शेजपाल हे पाच प्रबळ दावेदार ट्रॉफीपासून काही अंतरावर आहेत. आज बिग बॉस 15 चा ग्रॅन्ड फिनाले कलर्स टिव्हीवर रात्री 8 वाजता रंगणार आहे. नुकतंच, बिग बॉस ग्रॅन्ड फिनालेच्या एक दिवस आधी रश्मी देसाईचं एव्हिक्शन झालेलं पाहायला मिळालं. त्यामुळे आता प्रेक्षकांच्या मनात नेमकं कोणी घर केलं आहे आणि ट्रॉफीचा मान कोण मिळवणार आहे याबाबत प्रेक्षकांनी उत्सुकता ताणून धरली आहे.
कोण जिंकणार ट्रॉफी?
सध्या प्रतीक सहजपाल, करण कुंद्रा, निशांत भट्ट, शमिता शेट्टी आणि तेजस्वी प्रकाश हे पाच स्पर्धक बिग बॉसच्या 15 च्या घरात अजूनही टिकून आहेत. आता यामधून नेमकी बाजी कोण मारणार हे पाहणं औत्सुक्याचं ठरणार आहे.
महत्वाच्या बातम्या :
- Bigg Boss 15 Finale : पाचही स्पर्धक प्रबळ दावेदार, कोणाच्या गळ्यात पडणार ‘बिग बॉस 15’च्या विजेतेपदाची माळ?
- Shehnaaz Gill : बिग बॉस 15 च्या ग्रँड फिनालेमध्ये शहनाज गिल सिद्धार्थ शुक्लाला ट्रिब्यूट देणार..
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha