Bandla Ganesh cries during daughters vidaai: टॉलिवूडमधील प्रसिद्ध अभिनेता आणि फिल्म निर्माता बंदला गणेश (Bandla Ganesh) यांची मुलगी जननी बंदला (Janani Bandla) हिचं धुमधडाक्यात लग्नसोहळा पार पडला. 16 ऑगस्ट रोजी जननीचं लग्न (Wedding Video) झालं असल्याची माहिती आहे. तिनं सूर्या तेजा चिलुकुरीसोबत लग्न केलं. या विवाहसोहळ्याला दाक्षिणात्य सिनेसृष्टीतील अनेक कलाकारांसह अनेक प्रमुख राजकीय व्यक्तींनीही हजेरी लावली होती. माहितीनुसार, जननी आणि सूर्या यांचा विवाहसोहळा तेलुगु रितीरिवाजानुसार पार पडला. जननीचा निरोप समारंभाचा एक व्हिडीओ सोशल मीडियात व्हायरल (Entertainment) होत आहे. या व्हिडीओत लेकीसाठी बापाचं दु:ख दिसून येत आहे. या व्हायरल व्हिडीओत बंदला गणेश भावुक होत होऊन रडत असल्याचं दिसत आहे.
लेकीच्या पाठवणीच्या वेळेस बाप झाला भावुक, ढसा ढसा रडला (Bandla Ganesh Cries At Daughter Jananis Vidaai emotional video)
लग्न सोहळा संपल्यानंतर जननीच्या पाठवणीची वेळ झाली. यावेळी बंदला गणेश प्रचंड भावुक झाले होते. वातावरणही अत्यंत भावनिक झाले होते. लेकीला पाठवणीच्या वेळेस अभिनेता प्रचंड भावुक झाले होते. मुलीला निरोप देताना त्यांना रडू कोसळलं. नवविवाहित जोडप्याला गाडीपर्यंत सोडताना त्यांनी जननीचा हात धरला होता. तिचा हात त्यांनी आपल्या छातीशी धरला होता. ते बराच वेळ रडत होते. दरम्यान, जननी आपल्या वडिलांचे अश्रू पुसण्याचा प्रयत्न करत होती.
हा व्हिडीओ सोशल मीडियात प्रचंड व्हायरल झाला आहे. नेटकरी देखील प्रचंड भावुक झाले. त्यांचे डोळे पाणावले होते. रडून रडून लाल झाले होते. एका नेटकऱ्याने कमेंटमध्ये म्हटलं की, 'वडिलांचे प्रेम' तर, आणखी एका नेटकऱ्याने म्हटलं की, 'ज्या पालकांनी आपल्या लेकीला प्रेमाने वाढवले आहे, त्या प्रत्येकाच्या आयुष्यात ही वेळ नक्कीच येते', असं म्हटलं आहे. सध्या लेक आणि वडिलांच्या आयुष्यातील भावनिक व्हिडीओ सोशल मीडियात व्हायरल होत आहे.
लग्नावेळी जननीने सोनेरी रंगाची कांजीवरम सिल्क साडी नेसली होती. तिनं या साडीवर सुंदर सोन्याचे दागिनेही घातले होते. वधूच्या पेहरावात जननी खूप सुंदर दिसत होती. तसेच सूर्याने हलक्या गुलाबी रंगाचा कुर्ता आणि धोती घातली होती. जननी आणि सूर्याच्या लग्नात दिग्गज कलाकारांची हजेरी पाहायला मिळाली. या लग्नात खास आंध्र प्रदेश राज्याचे मुख्यमंत्री चंद्रबाबू नायडू आणि तेलंगाना येथील मुख्यमंत्री रेवंत रेड्डी देखील उपस्थित होते.
महत्त्वाच्या इतर बातम्या: