Amruta Khanvilkar : मराठी चित्रपटसृष्टीमधील प्रसिद्ध अभिनेत्री अमृता खानविलकर(Amruta Khanvilkar)चा 'चंद्रमुखी' हा चित्रपट लवकरच प्रेक्षकांच्या भेटीस येणार आहे. या चित्रपटामध्ये अमृताने चंद्रा  ही भूमिका साकारली आहे. या चित्रपटातील  'तो चांद राती' आणि 'चंद्रा' ही दोन  गाणी रिलीज झाली आहेत.  चंद्रा गाण्यातील अमृताच्या नृत्याला प्रेक्षकांची पसंती मिळत आहे. नुकतीच अमृतानं एक खास पोस्ट शेअर केली आहे. या पोस्टमध्ये तिनं 'नथ आणि चंद्रा' यांचं खास नातं सांगितलं आहे. 


अमृताची पोस्ट 
'नथ आणि चंद्रमुखी, माझ्या दिग्दर्शकाला प्रसाद ओकला सगळं ओरिजिनल हवं होतं. तेव्हा 'अमृता नाक टोचायचं.... क्लिप वाल्या नथी मी तुला घालू देणार नाही' असं त्यांनी पहिल्याच मीटिंग मध्ये सांगितलं. म्हणूनच अशा पद्धतीने मी अडीच वर्षां पूर्वीच नाक टोचलं. त्या नंतरही ते बुजलं .... दुखलं .....मग परत टोचावं लगलं ... पण शूटिंग पर्यंत नथ आणि माझी जुगलबंदी सुरूच राहिली .... सोन्याच्या नथीं केल्या तेव्हा नाचताना त्या इतक्या जड होत असत कि पॅक-अप नंतर त्या वरचं रक्त आधी कोमट पाण्याने आम्ही काढायचो आणि मग नाथ काढायचो तर चंद्रा ची कुठली नथ तुम्हाला जास्त आवडली ओ ?' असं पोस्टमध्ये अमृतानं शेअर केली आहे. 






'चंद्रमुखी' सिनेमा 29 एप्रिल 2022 रोजी प्रेक्षकांच्या भेटीला येणार आहे.  चंद्रमुखी या चित्रपटामध्ये अमृतासोबतच आदिनाथ कोठारे हा देखील प्रमुख भूमिका साकारणार आहे.  'चंद्रमुखी' हा सिनेमा लेखक विश्वास पाटील यांच्या 'चंद्रमुखी' या कांदबरीवर आधारित आहे. 


हेही वाचा :