Amazone video : नवीन वर्षाच्या सुरुवातीलाच अमेझॉन प्राईम ( Amazone Prime)यूजर्ससाठी खास लघुपटांची मेजवानी घेऊन आला आहे. अमेझॉन प्राईम 'अनपॉज्ड- नया सफरच्या' (UNPAUSED - NAYA SAFAR) माध्यमातून अनोख्या गोष्टी दाखवल्या जाणार असून यामध्ये कोविड- 19 महामारीमुळे आपलं जीवन कशाप्रकारे बदललं आहे याची झलक पाहायला मिळणार आहे. यामध्ये प्रेम, आठवण, भीती, मैत्री अशा वेगवेगळ्या भावनांचा यामध्ये समावेश आहे. शिखा मकान, रूचिर अरूण, नुपूर अस्थाना, अयप्पा केएम आणि नागराज मंजुळे यांसारख्या दिग्दर्शकांनी अतिशय संवेदनशीलपणे या कथेवर काम केले आहे. प्राइम यूजर्सना 'अनपॉज्ड – नया सफर' हा लघुपट  21 जानेवारी रोजी भारतासह २४० देशांत पाहायला मिळणार आहे.  


प्राइम व्हिडिओने आज 'अनपॉज्ड- नया सफर' हा पोस्टर सोशल मिडीयावर शेअर करत प्राईम यूजर्सना आनंदाची पर्वणीच दिली आहे. विशेष म्हणजे या पाच लघुपटांत सैराट फेम दिग्दर्शक नागराज मंजुळे यांच्या 'वैकुंठ' या लघुपटाचाही समावेश आहे.  2020 मध्ये आलेल्या अनपॉज्डच्या पहिल्या सीझनला मिळालेल्या उत्स्फूर्त प्रतिसादानंतर अमेझॉन ओरिजनल अँथॉलॉजीच्या सिक्वेलमध्ये पाच हिंदी शॉर्ट फिल्म्सचा समावेश करण्यात आला आहे. या फिल्म्समधून कोरोनाच्या महामारीमुळे आपल्या सगळ्यांसमोर उभी राहिलेली आव्हाने, आपल्याशा वाटणाऱ्या समस्या दाखवण्यात आल्या आहेत. त्याचबरोबर नव्या वर्षाचे स्वागत करत असताना सकारात्मक वृत्तीचा स्वीकार करायला हवा हेही सांगण्यात आलं आहे. 


'अनपॉज्ड- नया सफर' लघुपटांची यादी :
दिग्गज कलाकारांचा समावेश असलेला अनपॉज्ड- नया सफर' (UNPAUSED - NAYA SAFAR)या प्राईम व्हिडिओच्या अँथॉलॉजीमध्ये पुढील पाच शॉर्ट फिल्म्सचा समावेश आहे.  


•तीन तिगाडा – रूचित अरूण दिग्दर्शित – सकीब सालेम, आशिष वर्मा आणि सॅम मोहन अभिनित


•द कपल – नुपूर अस्थाना दिग्दर्शित – श्रेया धन्वंतरी आणि प्रियांशी पेन्युली अभिनित


•गोंद के लड्डू – शिखा मकान दिग्दर्शित – दर्शना राजेंद्रन, अक्षवीर सिंग सरन आणि नीना कुलकर्णी अभिनित 


•वॉर रूम – दिग्दर्शित अयप्पा केएम – गीतांजली कुलकर्णी, रसिका अगाशे, पुरानंद वांधेकर आणि शर्वरी देशपांडे अभिनित 


•वैकुंठ – नागराज मंजुळे दिग्दर्शित - अर्जुन करचे, हनुमंत भंडारी अभिनित


या संदर्भात अमेझॉन प्राइम व्हिडिओच्या इंडिया ओरिजनल्स विभागाच्या प्रमुख अर्पणा पुरोहित म्हणाल्या, ‘सध्याच्या आव्हानात्मक काळात आशा, सकारात्मकता आणि प्रेरणा देणाऱ्या गोष्टींचा हृदयस्पर्शी संग्रह असलेल्या अनपॉज्ड- नया सफरसह या वर्षातल्या ओरिजनल्सची सुरुवात करणं खूप खास आहे. ही सीरीज देशातील स्वतंत्र आणि खिळवून ठेवणाऱ्या सिनेमाविषयक गुणवत्तेला व्यासपीठ मिळवून देण्याची आमची बांधिलकी परत अधोरेखित करणारी आहे.’त्यामुळे नवीन वर्षाच्या सुरुवातीला अमेझॉन प्राईम यूजर्ससाठी या पाच लगुपटांची मेजवानीच प्रेक्षकांना मिळणार आहे.


हे ही वाचा - 



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha