Allu Arjun : दाक्षिणात्य चित्रपटसृष्टीसोबतच बॉलिवूडमध्ये देखील विशेष ओळख निर्माण करणारा अभिनेता अल्लू अर्जुन (Allu Arjun) सध्या 'पुष्पा द राइज' (Pushpa: The Rise) या चित्रपटातील अभिनयामुळे चर्चेत आहे. रिपोर्टनुसार, या चित्रपटामध्ये काम करण्यासाठी अल्लू अर्जुननं 50 कोटी रूपये मानधन घेतलं होते. या चित्रपटानं बॉक्स ऑफिसवर जवळपास 300 कोटीपेक्षा जास्त कमाई केली. पुष्पानंतर या आगामी चित्रपटांमधून अल्लू अर्जुन प्रेक्षकांच्या भेटीस येणार आहे.
पुष्पा द रूल पार्ट 2
पुष्पा द राइज या चित्रपटाचा दुसरा भाग म्हणजेच पुष्पा द रूल पार्ट 2 हा चित्रपट प्रेक्षकांच्या भेटीस येणार आहे. यावर्षी हा चित्रपट प्रदर्शित होणार आहे, अशी चर्चा आहे. या चित्रपटात देखील अल्लू अर्जुन प्रमुख भूमिका साकारणार आहे.
दिग्दर्शक बोयापती श्रीनू यांच्या आगामी चित्रपटामध्ये अल्लू अर्जुन महत्वाची भूमिका साकारणार आहे. अल्लू अर्जुन सध्या बोयपती यांच्यासोबत या चित्रपटाच्या स्क्रिप्टवर काम करत आहेत. तसेच आयकॉन हा अल्लू अर्जुनचा आगामी चित्रपट देखील लवकरच प्रेक्षकांच्या भेटीस येणार आहे. या चित्रपटामध्ये अल्लू अर्जुनसोबतच पूजा हेगडे आणि कृती शेट्टी हे प्रमुख भूमिका साकारणार आहेत.
आयकॉन या चित्रपटाचे शूटिंग संपल्यानंतर अल्लू अर्जुन हा केजीएफ या चित्रपटाचे दिग्दर्शक प्रशांत नील यांच्या एका आगामी चित्रपटाच्या शूटिंगला सुरूवात करणार आहे. तसेच AA21 हा देखील अल्लू अर्जुनचा आगामी चित्रपट लवकरच प्रेक्षकांच्या भेटीस येणार आहे. या चित्रपटाचे दिग्दर्शन कोरातला शिवा हे करणार आहेत. रिपोर्टनुसार या चित्रपटाचे शूटिंग एप्रिल 2022 मध्ये सुरू होणार आहे.
हेही वाचा :
- TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या
- Shaakuntalam : समंथा रूथ प्रभूच्या 'शकुंतलम' सिनेमाचे पहिले पोस्टर प्रदर्शित, समंथाच्या लूकने लावले चारचॉंद
- Upcoming Movies on OTT: 'बच्चन पांडे' ते 'गंगूबाई काठियावाडी' पर्यंत 'हे' सिनेमे होणार ओटीटीवर प्रदर्शित
- Samantha : नेटकऱ्याचा अजब सवाल ; समंथा म्हणाली, 'आधी गूगलवर सर्च कर'
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha