Alia Bhatt production house launching outsiders: बॉलिवूड हे घराणेशाहीवर चालते, असे अनेकांना वाटते. बॉलिवूड अभिनेत्री आलिया भट्टवर देखील नेपोटिझ्म हा टॅग लागला होता. परंतु, तिनं अभिनय आणि टॅलेंटच्या जोरावर आपल्यावर लागलेला नेपोटिझ्मचा टॅग खोडून काढला. दरम्यान, अलिकडेच तिनं चित्रपटात आऊटसायडर कलाकारांना संधी देण्याबद्दल भाष्य केलं आहे. आलियाच्या या पुढाकाराचे सध्या कौतुक होत आहे.
बॉलिवूडमध्ये इनसायडर वर्सेस आऊटसायडर या विषयावर बरीच चर्चा रंगते. बऱ्याच काळापासून वादविवाद होतात. दरम्यान, आलिया भट्टने आऊटसायडर्ससाठी खास पुढाकार घेणार असल्याचं म्हटलं आहे. तिनं केलेल्या वक्तव्यावरून या वादाला आता नवी दिशा मिळणार असल्याचं बोललं जात आहे. आलियाने सांगितलं की, ती आपल्या प्रॉडक्शनच्या माध्यमातून आऊटसायडर्स आणि त्यांच्या टॅलेंटला लॉन्च करणार आहे.
शुक्रवारी आलिया आपल्या नवीन प्रॉडक्शन फिल्म 'डोन्ट बी शाय'च्या लॉन्च इव्हेंटमध्ये सहभागी झाली होती. 'डोन्ट बी शाय' हा चित्रपट अमेझॉनच्या ओटीटी प्लॅटफॉर्म प्राइम व्हिडिओच्या कार्यक्रमात सादर करण्यात आले होते. या इव्हेंटमध्ये बऱ्याच प्रॉडक्शनची घोषणा झाली. या कार्यक्रमात आलिया भट्टने मंचावर निर्माता करण जौहर उपस्थित असताना एक मोठी घोषणा केली. आलियाने केलेल्या वक्तव्याने उपस्थितांचे लक्ष वेधून घेतले आहे.
या कार्यक्रमात करण जौहरने आलिया भट्टची प्रशंसा केली. तो म्हणाला की, 'ती आता एक हुशार आणि अनुभवी निर्माती बनली आहे. कारण माझ्या प्रश्नांपेक्षा तिने दिलेली उत्तरे फार वेगळी असतात'. आलियाने करणच्या प्रश्नावर उत्तर देत म्हटलं की, 'हा करण. कारण अॅक्टर्सना लॉन्च करण्याची एक पद्धत असते'. यावर करण जोहरने गंमतीने, 'कदाचित मला कलाकारांना कसे लॉन्च करावे, याबद्दल फारसे काही माहित नाही'. यावेळी त्याने आलियाला त्याच्या निर्मिती असलेल्या स्टुडंट ऑफ द इअरची आणि त्याने तिला या चित्रपटाद्वारे कसे लॉन्च केले, याबद्दल आठवण करुन दिली.
आलिया म्हणाली, 'बरं मी काय बोलू शकते, चांगल्या लोकांनी नेहमी शिकवले आहे. प्रत्येक गोष्टीचे एक टायमिंग असते', असं अभिनेत्री म्हणाली. यावेळी करण जौहरने आलियाला एक महत्त्वाचा प्रश्न विचारला. आलिया ज्या कलाकारांना लॉन्च करणार आहे, ते आऊटसायडर्स आहेत का? असा प्रश्न विचारला. या प्रश्नावर आलियाने हो असं उत्तर दिलं. तिचं उत्तर ऐकून करण जौहरने आलियाचं कौतुक केलं. 'मला तुझा अभिमान आहे', असं करण आलियाला म्हणाला.