Nirmal Pathak Ki Ghar Wapsi: असे म्‍हणतात की, आपण आपल्‍या कम्‍फर्ट झोनमधून बाहेर पडलो की, आपोआप आपल्यात बदल सुरू होतो आणि हीच बाब सीरीज 'निर्मल पाठक की घरवापसी' मधून (Nirmal Pathak Ki Ghar Wapsi) मनोरंजक पद्धतीने प्रेक्षकांच्या भेटीला येणार आहे. बिहारमधील एका लहान शहराच्‍या पार्श्‍वभूमीवर आधारित आगामी सीरीज 'निर्मल पाठक की घरवापसी' सोनी लिव्‍हवर प्रेक्षकांच्या भेटीला येणार आहे.


'निर्मल पाठक की घरवापसी' हा एक स्‍पेशल ड्रामा आहे, जो मनोरंजनाच्‍या माध्‍यमातून प्रेक्षकांना वास्‍तविकतेची जाणीव करून देतो. यात अभिनेता वैभव तत्‍ववादीने (Vaibhav Tatwawadi) निर्मल पाठक या तरूणाची भूमिका साकारली आहे, जो 24 वर्षांनंतर त्‍याच्‍या मूळगावी परतला आहे आणि त्‍याची कथा त्‍याचे मूळ शोधण्‍याच्‍या प्रवासाच्‍या अवतीभोवती फिरते. वैभव तत्‍ववादीप्रमाणेच निर्मल पाठक लाजाळू व संकुचित वृत्तीचा आहे आणि याच बाबीमुळे त्‍याला सहजपणे भूमिकेमध्‍ये सामावून जाता आले, असे वैभव सांगतो.


मी देखील निर्मल पाठकसारखाच!


'निर्मल पाठक की घरवापसी'च्‍या संकल्‍पनेबाबत सांगताना वैभव म्‍हणाला, ‘ही सीरीज आपल्‍या समाजाबाबत बरेच काही सांगते आणि मला या सीरीजचा भाग असण्याचा आनंद होत आहे. ही आपले मूळ शोधणाऱ्या मुलाची कथा आहे. सीरीजच्‍या नावाशी संलग्‍न भूमिकेचे नाव असण्‍याची भावना नेहमीच खूप खास असते.’



आपल्‍या भूमिकेबाबत सांगताना तो म्‍हणाला की, ‘मी वास्‍तविक जीवनातही निर्मल पाठकसारखाच आहे. पटकथा वाचल्‍यानंतर मला समजले की, तो माझ्यासारखाच लाजाळू आहे, कमी बोलणारा आहे आणि याच गोष्‍टीशी मी सहजरित्‍या संलग्न होऊ शकतो.’ 


‘हे’ कलाकर झळकणार महत्त्वपूर्ण भूमिकेत!


नरेन कुमार हे 'निर्मल पाठक की घरवापसी'चे शो रनर आहेत. या सीरीजचे लेखन राहुल पांडे यांनी केले असून, दिग्‍दर्शन राहुल पांडे व सतिश नायर यांनी केले आहे. कायरा कुमार क्रिएशन्‍स निर्मित या सीरीजचे निर्माते नरेन कुमार व महेश कोराडे आहेत. या सीरीजमध्‍ये वैभव तत्‍ववादी, अल्‍का आमिन, विनीत कुमार, पंकज झा, आकाश मखिजा, कुमार सौरभ, गरिमा श्रीवास्‍तव आणि इशिता गांगुली हे कलाकार आहेत. 'निर्मल पाठक की घरवापसी' ही सीरीज 27 मेपासून सोनी लिव्हवर प्रदर्शित होणार आहे.


हेही वाचा :