Actor Director Tom Noonan No More: मनोरंजनविश्वातून एक दु:खद बातमी समोर येत आहे. हॉलिवूडमधील एका उमदा कलाकाराचे निधन झाले आहे. अमेरिकेतील प्रसिद्ध अभिनेते, दिग्दर्शक आणि लेखक टॉम नूनन यांचा मृत्यू झाला आहे. वयाच्या 74 व्या वर्षी त्यांनी अखेरचा श्वास घेतला. त्यांनी आपल्या संपूर्ण कारकिर्दीत विविध चित्रपटातून उत्तम भूमिका साकारली आहे. त्यांच्या निधनानंतर हॉलिवूडमध्ये शोककळा पसरली आहे. या अभिनेत्याने आतापर्यंत लास्ट अॅक्शन हिरो आणि रोबोकॉप 2 सारख्या उत्तम चित्रपटांद्वारे प्रेक्षकांचे मनोरंजन केले आहे. त्यांच्या निधनानंतर हॉलिवूड सिनेसृष्टीत खळबळ उडाली आहे.
टॉम नूनन यांचे 14 फेब्रुवारी रोजी निधन झाले असल्याची माहिती आहे. त्यांनी आपल्या कारकिर्दीची सुरुवात विली अँड फिल या चित्रपटातून केली होती. त्यांनी साकारलेल्या भूमिकेतून एक प्रभावी छाप सोडली आहे. रोबोकॉप 2 मधील त्यांची भूमिका कौतुकास्पद होती. टॉम यांच्या निधनानंतर हॉलिवूड सिनेसृष्टीत शोककळा पसरली आहे. टॉम यांची मैत्रिण आणि ज्येष्ठ कलाकार अभिनेत्री कैरेन सिलास यांनी बुधवारी सोशल मीडियात पोस्ट करुन त्यांच्या निधनाची माहिती दिली.
कैरेन सिलास म्हणाली, "माझा प्रिय मित्र आणि सहकलाकार टॉम नूनन यांचे व्हेलेंटाइन डे रोजी निधन झाले आहे. 1990 च्या सुरुवातीला व्हाट हॅपन्ड वॉजमध्ये त्यांच्यासोबत काम करताना खूप आनंद झाला होता. तो सिनेमा माझ्या आयुष्यातील एक टर्निंग पॉइंट ठरला होता. त्यांचा प्रभाव अजूनही माझ्या आयुष्यात आणि अभिनेता म्हणून कामावर दिसून येतो", असं अभिनेत्री कैरेन सिलास म्हणाली. टॉम आणि कैरेन सिलास यांनी व्हॉट हॅपन्ड वॉज (1994) मध्ये पहिल्यांदा स्क्रीन शेअर केली होती.
टॉम नूनन यांनी केवळ रुपेरी पडद्यावरच नसून, छोट्या पडद्यावरही आपले अभिनय कौशल्य सिद्ध केले आहे. टॉम नूननची अभिनय कारकीर्द 1980 ते 2018 पर्यंत होती. या काळात त्यांनी 50 हून अधिक चित्रपटांमध्ये काम केलं आहे.
महत्त्वाच्या इतर बातम्या:
आलिया भट्टची BAFTAमध्ये दमदार एन्ट्री; सोहळ्यात साकारणार महत्त्वाची भूमिका, चाहते खूश