आलिया भट्टची BAFTAमध्ये दमदार एन्ट्री; सोहळ्यात साकारणार महत्त्वाची भूमिका, चाहते खूश

Alia Bhatt Shares Exciting BAFTA Update: आलिया भट्ट 79व्या बाफ्टा अवॉर्ड्समध्ये प्रेझेंटर म्हणून दिसणार आहे.

Alia Bhatt to present at BAFTA Awards 79 in London

Alia Bhatt to present at BAFTA Awards 79 in London: प्रसिद्ध अभिनेत्री आलिया भट्टने टॅलेंटच्या जोरावर यशाचे शिखर गाठले. तिला गंगूबाई काठियावाडी या चित्रपटासाठी नॅशनल अवॉर्डने सन्मानित करण्यात आले होते. भारतात आपल्या अभिनयाचा डंका वाजवल्यानंतर तिनं सातासमुद्रापारही आपल्या अभिनयाची छाप सोडली. दरम्यान, ती सध्या आंतरराष्ट्रीय स्तरावरही आपली वेगळी ओळख निर्माण करण्यास सज्ज झालीये. ही बातमी ऐकून तिच्या चाहत्यांना आनंद झालाय.

आलिया भट्ट लवकरच बाफ्टा अवॉर्ड्सच्या 79 सोहळ्यात प्रेझेंटर म्हणून दिसणार आहे. ब्रिटिश अॅकॅडमी फिल्म अवॉर्ड्स हा भव्य पुरस्कार सोहळा 22 फेब्रुवारी रोजी लंडनमधील रॉयल फेस्टिव्हल हॉल येथे पार पडणार आहे.

ब्रिटिश अॅकॅडमी फिल्म अवॉर्ड्स या भव्य सोहळ्यात आतंरराष्ट्रीय सिनेसृ्ष्टीतील दिग्गज कलाकार उपस्थित राहणार आहेत.

ब्रिटिश अॅकॅडमीनं अधिकृतरित्या जाहीर केले की, आलिया भट्टवर या वर्षीच्या सोहळ्यात पुरस्कार प्रदान करण्याची जबाबदारी सोपवण्यात आली आहे.

या कार्यक्रमात तिच्यासोबत हॉलिवूड तसेच ब्रिटिश कलाकारही उपस्थित राहणार आहेत. आलिया भट्टसह Alicia vikandar, Emily Watson, cillian murphy, ethan hawke, glen close, gillian Anderson, riz ahmed आणि monica Bellucci यांसारखे दिग्गज कलाकार तेथे उपस्थित राहणार आहेत.

आलिया भट्टनं ही आनंदाची बातमी सोशल मीडियावर शेअर केली आहे. तिनं पोस्ट शेअर करत चाहत्यांना एक मजेशीर आव्हान दिले आहे. 'जर कुणी मला इथे शोधलं तर, त्यांना मी 100 पॉइंट्स देईन...' असं आलियानं कॅप्शनमध्ये लिहिलं आहे.

आलियाच्या या पोस्टवर नामवंत आणि दिग्गज कलाकारांचे फोटो आहेत. या फोटोंमध्ये आलियाचाही समावेश आहे. दरम्यान, चाहते आणि नेटकऱ्यांनी तिचं कौतुक केलं आहे. तसेच शुभेच्छा दिल्या आहेत.

बाफ्टा स्टेजवर प्रेझेंटर म्हणून झळकणारी आलिया भट्ट पहिली अभिनेत्री नसून, या आधी प्रियांका चोप्रा, दीपिका पदुकोण, यांनी देखील प्रेझेंटर म्हणून या कार्यक्रमाची धुरा सांभाळली आहे.