Amber Heard : अमेरिकन अभिनेता जॉनी डेप (Johnny Depp) आणि त्याची पूर्वाश्रमीची पत्नी एम्बर हर्ड (Amber Heard) यांच्यातील मानहानीचे प्रकरण बरेच दिवस चालले होते. हे प्रकरण सतत प्रसारमाध्यमांमध्ये चर्चेत राहिले होते. एम्बर हर्ड जेव्हा जॉनी डेपविरुद्ध मानहानीचा खटला हरली, तेव्हा तिचीही खूप चर्चा झाली. मात्र, आता पुन्हा एकदा एम्बर हर्ड चर्चेत आली आहे. पण, यावेळी चर्चेचे कारण केस किंवा जॉनी डेप नसून, जॉनी डेपविरुद्ध केस हरल्यानंतर अवघ्या काही दिवसांनी एम्बरला मिळालेला लग्नाचा प्रस्ताव आहे. नुकताच एका व्यक्तीने अभिनेत्रीला लग्नासाठी विचारणा केली आहे.


अभिनेता जॉनी डेप आणि एम्बर हर्ड यांच्या मानहानीचा खटला सहा आठवड्यांच्या प्रदीर्घ सुनावणीनंतर आता संपला आहे. फेअरफॅक्स, व्हर्जिनियामध्ये सुरु असलेली ही केस जॉनी डेपने जिंकली. हे प्रकरण संपल्यानंतर आता एम्बरकडे लग्नाचा प्रस्ताव आला आहे. अभिनेत्री केस हरल्यानंतर सौदी अरेबियातील एका व्यक्तीने एम्बरला लग्नाची ऑफर दिली आहे. या व्यक्तीने इंस्टाग्रामवर एम्बरला एक व्हॉईस नोट देखील पाठवली आहे, ज्यामध्ये त्याने स्वतःला आपण जॉनी डेपपेक्षा कसे चांगले आहोत, हे सांगितले आहे.


सोशल मीडियावर व्हायरल होतोय ऑडिओ


एम्बर हर्डच्या अधिकृत इंस्टाग्राम अकाउंटवर व्हॉईस नोटद्वारे त्याने हा लग्नाचा प्रस्ताव पाठवला आहे. या ऑडिओमध्ये त्या व्यक्तीने बरेच काही सांगितले आहे, ज्याच्या सध्या चर्चा खूप होत आहेत आणि हा ऑडिओ सोशल मीडियावर खूप वेगाने व्हायरल होत आहे.


पाहा पोस्ट :



या व्यक्तीने पाठवलेली ही व्हॉईस नोट अरेबियन भाषेत आहे. यात त्याने आपण जॉनीपेक्षा किती चांगले आहोत आणि आपणच आता तिचा सांभाळ करू शकतो, हे सांगितले आहे. ही व्हॉईस नोट Bee4andafter_kw नावाच्या इंस्टाग्राम अकाऊंटद्वारे पोस्ट करण्यात आली आहे.


डेटिंग, लग्न, घटस्फोट आणि मानहानीचा खटला...


अएम्बर हर्डने स्वत:ला कौटुंबिक हिंसाचाराची पीडित असल्याचे सांगून आपली बदनामी केली, असा दावा जॉनीने न्यायालयात केला होता. प्रदीर्घ काळ चाललेला हा खटला जॉनी डेपने जिंकला. यानंतर एम्बर हर्डकडून, जॉनी डेपला 15 दशलक्ष डॉलर्सची नुकसान भरपाई देण्यास सांगितले गेले. त्याच वेळी, जॉनी डेपला त्याच्याशी संबंधित हिंसाचाराच्या प्रकरणात एम्बरला 2 दशलक्ष डॉलर नुकसान भरपाई म्हणून देण्यास सांगितले. अनेक वर्षांच्या डेटिंगनंतर, जॉनी आणि एम्बरने 2015मध्ये लॉस एंजेलिसमधील त्यांच्या घरी एका अतिशय खाजगी समारंभात लग्न केले होते. मात्र, त्यांचे नाते फार कमी काळ टिकले. त्यानंतर दोघांचा घटस्फोट झाला.


हेही वाचा :