Game of Thrones fame Emilia Clarke: हॉलिवूडच्या एका प्रसिद्ध अभिनेत्रीने अशी घोषणा केली आहे की, ती यापुढे चाहत्यांना तिच्यासोबत रस्त्यावर मोफत सेल्फी घेऊ देणार नाही. तिच्याशी संवाद साधायचे किंवा सेल्फीसाठी ती चाहत्यांकडून 14 हजार ते 38 हजार रुपये वसूल करणार आहे.
ही अभिनेत्री आहे 'गेम ऑफ थ्रोन्स' फेम एमेलिया क्लार्क. एमिलियाशी संवाद साधू इच्छिणाऱ्या चाहत्यांना यासाठी सुमारे 38 हजार रुपये (£400) द्यावे लागतील. तसेच ज्यांना ड्रीम इट फेस्ट फॅन कन्व्हेन्शन दरम्यान तिच्यासोबत फोटो काढायचे आहेत, त्यांना यासाठी सुमारे 14 हजार रुपये (£150) द्यावे लागतील.
एमिलिया क्लार्क 'मीट अँड ग्रीट' (meet and greet) ट्रेंडमध्ये सामील होणारी सध्याची आघाडीची अभिनेत्री आहे. गेल्या महिन्यात डेली मेलने वृत्त प्रसिद्ध केलं होतं की, जेंटलमन जॅक स्टार्स सुरण जोन्स आणि सोफी रुंडल बर्मिंगहॅम फॅन कॉन्फरन्स दरम्यान त्यांच्यासोबत सेल्फी घेण्यासाठी सुमारे 9,000 रुपये (£90) घेतील. यापूर्वी एका रिपोर्टमध्ये असे सांगण्यात आले होते की, 2017 च्या एका इव्हेंटदरम्यान शेरलॉक स्टार बेनेडिक्ट कंबरबॅचने चाहत्यांसह 3000 फोटो क्लिक करून सुमारे 23 मिलियन रुपये (£240,000) कमावले होते.
एका रिपोर्टनुसार, एमिलिया क्लार्कने गेल्या 2 वर्षात जवळपास 72 कोटी रुपये कमावले आहेत. एमिलियाने 2021 मध्ये 37 कोटी रुपये आणि 2020 मध्ये सुमारे 34 कोटी रुपये कमावले. 'द सन' मधील वृत्तानुसार, एमिलिया क्लार्कने तिच्या परफॉर्मिंग आर्ट कंपनी सीनिक रूटद्वारे गेम ऑफ थ्रोन्समधील डेनारियस तारगेरियनच्या यशस्वी भूमिकेमुळे मिळालेल्या लोकप्रियतेचा फायदा घेतला आहे. या कंपनीची स्थापना 2014 मध्ये झाली. दरम्यान, 2019 सालापासून एमिलिया मोठ्या पडद्यावर दिसलेली नाही.