सांगली : जिल्ह्यातील अनुसूचित जातीसाठी राखीव असलेल्या मिरज मतदारसंघात भाजपच्या सुरेश खाडे यांनी चौथ्यांदा विजय मिळवला आहे. त्यांनी महाविकास आघाडीच्या तानाजी सावंत यांचा 44 हजारांहून अधिक मताधिक्यांने विजय मिळवला.
भाजपच्या सुरेश खाडे यांना 1,28, 753 मतं मिळवली. तर शिवसेना ठाकरे गटाचे तानाजी सातपुते यांना 84,047 मतं मिळाली. सुरेश खाडे यांनी 44,706 मतांनी विजय मिळवला आहे.
सुरेश खाडे यांचे सर्वपक्षीय नेत्यांशी चांगले संबंध असून ते मंत्री असले तरी मिरज सोडून इतर मतदारसंघात राजकीय हस्तक्षेप करत नाहीत. त्यामुळे इतर पक्षांच्या बड्या नेत्यांकडून मिरजमध्येही हस्तक्षेप होत नाही. नेमक्या याच गोष्टीचा फायदा हा सुरेश खाडे यांना होतो.
या आधी जत मतदारसंघ हा राखीव होता. 2004 साली सुरेश खाडे हे जतमधून निवडून आले होते. त्यानंतर 2009 साली मिरज हा मतदारसंघ राखीव झाला. सुरेश खाडे 2009 पासून त्या ठिकाणी तीन वेळा निवडून आले. आता सुरेश खाडे यांनी विजयाचा चौकार मारला आहे.
सुरेश खाडे यांच्या विजयाचा वारू रोखण्यासाठी महाविकास आघाडीच्या ठाकरे गटाने तानाजी सातपुते यांना उमेदवारी दिली होती. पण त्यामध्ये त्यांना यश आलं नाही.
लोकसभेच्या निवडणुकीला अपक्ष असलेल्या विशाल पाटील यांना मिरजमधून 24 हजारांचे मताधिक्य मिळालं होतं. त्यामुळे महाविकास आघाडीसाठी यंदा पोषक वातावरण असल्याचं चित्र होतं. असं असतानाही सुरेश खाडेंनी मोठं मताधिक्य घेतलं.
2019 सालचा निकाल काय?
- सुरेश खाडे (भाजप) - 96,369
- बाळासाहेब होनमारे (स्वाभिमानी शेतकरी संघटना) - 65,971
ही बातमी वाचा: