मुंबई : महाराष्ट्र नगरपालिका आणि नगरपंचायत निवडणुकीत (Maharashtra Nagarpalika results ) कोण वरचढ ठरणार याची उत्सुकता लागली आहे. मात्र आतापर्यंतच्या निकालात उपमुख्यमंत्री एकनाथ शिंदे (Eknath Shinde) यांच्या शिवसेनेने दमदार (Shiv Sena nagarpalika result) कामगिरी केल्याचं चित्र आहे. एकनाथ शिंदे यांच्या शिवसेनेचा स्ट्राईक रेट (Eknath Shinde strike rate) तगडा असल्याचं निकालात दिसून येतंय.
राज्याचं लक्ष लागलेल्या आणि राणे बंधूंमध्ये एकास एक अशी लढाई झालेल्या कणकवली आणि मालवण या दोन्ही ठिकाणी शिंदेंच्या शिवसेनेने विजय मिळवला. त्याशिवाय पालघर, डहाणू इथेही शिवसेनेने भगवा फडकवला.
गृहराज्य मंत्री योगेश कदम यांच्या नेतृत्वाखाली महायुतीने खेड नगरपरिषद निवडणुकीत 21-0 असा ऐतिहासिक आणि एकतर्फी विजय मिळवत एकहाती सत्ता प्रस्थापित केली आहे. या घवघवीत विजयामुळे माधवी भुटाला या नगराध्यक्षा पदावर विराजमान होणार आहेत.
तिकडे सांगोला नगरपालिकेत शहाजी बापू पाटील हे एकटे पडल्याचं चित्र होतं. पालकमंत्री आणि ग्रामविकास मंत्री जयकुमार गोरे आणि शहाजीबापू पाटील यांच्यात टोकाची टीका पाहायला मिळाली होती. मात्र या नगरपालिकेत शहाजीबापूंनी जयकुमार गोरेंना क्लीन स्विप दिली. सांगोल्यात दोन जागा आधीच बिनविरोध आल्या होत्या. 17 जागांवर शहाजी बापूंची एक हाती आघाडी पाहायला मिळाली.
तिकडे महाडनगरपालिकेत सुनील तटकरे विरुध्द भरत गोगावले यांच्यातील संघर्ष जगजाहीर आहे. असं असताना भरत गोगावलेंच्या नेतृत्त्वात शिवसेनेने विजय मिळवला.
या निवडणुंकांच्या निमित्ताने शिवसेना पुन्हा तळागाळात पोहोचल्याचं पाहायला मिळालं. शिवसेना आजवरच्या इतिहासात सर्वात जास्त जागा लढली.
जवळपास 135 ठिकाणी शिवसेना लढली आणि 50 पेक्षा जास्त नगराध्यक्षपद निवडून आले आहेत. स्वबळावर निवडणूक लढवून शिवसेनेनेने उत्तम स्ट्राईक रेट गाठला आहे.
भाजप सोबत असल्याने शिवसेना चांगला परफॉर्मन्स देते असं चित्र रगवलं जायचं. परंतु, एकटं लढूनही शिवसेनेने दणदणीत विजय मिळवला आहे.
काही ठिकाणी शिवसेनेच्या पुढाकाराने झालेली स्थानिक आघाडी जिंकली आहे. शिवसेनेचा हा विजय एकप्रकारे ऐतिहासिक आहे.
उद्धव ठाकरे गटापेक्षा शिवसेनेने पाच पट जास्त जागा जिंकल्या आहेत. महाविकास आघाडीला मिळून जेवढ्या जागा मिळाल्या नाही तेवढ्या जागा शिवसेनेने जिंकल्या आहेत.
भाजपच्या नेत्यांना धक्का
कोकणात शिवसेनेने मोठी मुसंडी मारुन भाजपला धक्का दिला आहे. विशेषता कोकणात मालवण, कणकवलीत प्रदेशाध्यक्ष रवींद्र चव्हाण आणि पालघर, डहाणूमध्ये गणेश नाईक यांना दणका बसल्याचं चित्र आहे.
शिवसेना – भाजप थेट लढतीत कोण जिंकलं?
- कणकवली, मालवण दोन्ही ठिकाणी शिवसेना जिंकली
- पालघर, डहाणू - शिवसेना जिंकली
- सांगोला- शहाजी बापूंच्या नेतृत्त्वात क्लीन स्वीप
- महाड – सुनील तटकरे विरुध्द गोगावले – शिवसेना जिंकली
एकनाथ शिंदेंचा तगडा स्ट्राईक रेट, कोणकोणत्या नगरपालिकेत शिवसेनेचा विजय?
- कणकवली
- मालवण
- पालघर
- डहाणू
- सांगोला
- महाड
- मुरगूड
- जयसिंगपूर,
- हातकणंगले,
- कुरुंदवाड
- जुन्नर
- मंचर
- राजगुरुनगर
- चाकण
संबंधित बातम्या