मुंबई: देशातील सार्वत्रिक लोकसभा निवडणुकीचा निकाल जाहीर होण्यासाठी अवघ्या काही तासांचा अवधी शिल्लक आहे. राष्ट्रीय पातळीवर कोणाचीही सत्ता आली तरी अनेकांचे लक्ष हे महाराष्ट्रात (Maharashtra Lok Sabha Election 2024) नक्की काय घडणार, याकडे लागले आहे. गेल्या बराच काळापासून महाराष्ट्रातील राजकारण अस्थिर राहिले आहे. निवडणूक आयोगाने शिवसेना आणि राष्ट्रवादी काँग्रेस पक्ष अनुक्रमे एकनाथ शिंदे आणि अजित पवार यांना बहाल केले असले तरी या पक्षांचा मूळ मतदार नक्की कोणाच्या पाठीशी आहे, याचा फैसला लोकसभा निकालाच्यानिमित्ताने (Election Result 2024) होणार आहे.
एक्झिट पोलच्या निकालांमध्येही देशपातळीवर भाजपप्रणित एनडीए आघाडीला बहुमत मिळण्याचा अंदाज असला तरी महाराष्ट्रातीच चित्र तंतोतंत उलटे आहे. शिवसेना आणि राष्ट्रवादी काँग्रेसमधून फुटून निघालेला एकनाथ शिंदे गट आणि अजित पवार गटाने भाजपसोबत हातमिळवणी केली होती. त्यामुळे स्थानिक राजकारणाची सरमिसळ झाली होती. त्यामुळे कोणत्या मतदारसंघातील जनाधार कोणाच्या पाठीशी आहे, याबद्दल संभ्रम आहे. याचा फैसला आता होणार आहे.
राज्यातील अनेक मतदारसंघांमधील लढती प्रतिष्ठेच्या झाल्या आहेत. शरद पवार, अजित पवार, उद्धव ठाकरे, देवेंद्र फडणवीस यांची प्रतिष्ठा पणाला लागली आहे. बारामती, माढा, सोलापूर, सातारा या लोकसभा मतदारसंघातील निवडणूक कधी नव्हे इतकी चुरशीची झाली होती. त्यामुळे या मतदारसंघांमध्ये काय निकाल लागणार, याची प्रचंड उत्सुकता महाराष्ट्राच्या जनतेला लागून राहिली आहे.
महाराष्ट्रातील हायव्होल्टेज लढती खालीलप्रमाणे (Lok Sabha Election Results 2024)
| मतदारसंघाचे नाव | लढत कोणामध्ये? | निकाल |
| बारामती | सुप्रिया सुळे Vs सुनेत्रा पवार | सुप्रिया सुळे |
| सातारा | उदयनराजे भोसले Vs शशिकांत शिंदे | उदयनराजे भोसले |
| कोल्हापूर | शाहू महाराज Vs संजय मंडलिक | शाहू महाराज |
| रायगड | अनंत गीते Vs सुनील तटकरे | सुनील तटकरे |
| धाराशिव | ओमराजे निंबाळकर Vs अर्चना पाटील | ओमराजे निंबाळकर |
| माढा | धैर्यशील मोहिते पाटील Vs रणजितसिंह नाईक निंबाळकर | धैर्यशील मोहिते पाटील |
| सोलापूर | प्रणिती शिंदे Vs राम सातपुते | प्रणिती शिंदे |
| चंद्रपूर |
प्रतिभा धानोरकर Vs सुधीर मुनगंटीवार |
प्रतिभा धानोरकर |
| अकोला | अभय पाटील Vs अनुप धोत्रे Vs प्रकाश आंबेडकर | अनुप धोत्रे |
| अमरावती | नवनीत राणा Vs बळवंत वानखेडे Vs दिनेश बुब | बळवंत वानखेडे |
| औरंगाबाद | चंद्रकांत खैरे Vs संदिपान भुमरे | संदिपान भुमरे |
| पुणे | मुरलीधर मोहोळ Vs रवींद्र धंगेकर Vs वसंत मोरे | मुरलीधर मोहोळ |
| अहमदनगर | निलेश लंके Vs सुजय विखे पाटील | निलेश लंके (आघाडीवर) |
| बीड | पंकजा मुंडे Vs बजरंग सोनावणे | पंकजा मुंडे (आघाडीवर) |
| नाशिक | हेमंत गोडसे Vs राजाभाऊ वाजे | राजाभाऊ वाजे |
| दक्षिण मुंबई | अरविंद सावंत Vs यामिनी जाधव | अरविंद सावंत |
आणखी वाचा
पहिल्या 15 मिनिटात पहिले कल शक्य, सुपरफास्ट निकाल 'एबीपी माझा'वर, निकाल कुठे आणि कसा पाहाल?