Guhagar Vidhan Sabha Constituency Election 2024 : गुहागर विधानसभा मतदारसंघात शिवसेना शिंदे गटाकडून राजेश बेंडल यांना उमेदवारी देण्यात आली आहे. तर शिवसेना ठाकरे गटाकडून भास्कर जाधव यांना तिकीट देण्यात आलं आहे. तर मनसेकडून प्रमोद गांधी निवडणूक लढवत आहेत. यंदा गुहागर मतदारसंघाचे आमदार हे भास्कर जाधव आहेत.
2019 च्या विधानसभा निवडणुकीत गुहागर विधानसभा मतदारसंघात एकूण 2 लाख 39 हजार 663 मतदारांपैकी 59.6 टक्के म्हणजे 1 लाख 40 हजार 647 मतादारांनी मतदान केलं . पैकी भास्कर जाधव यांना 56 टक्के म्हणजे 78 हजार 748 मतं मिळाली. तर राष्ट्रवादी काँग्रेसच्या सहदेव बेटकर यांना 52 हजार 297 म्हणजे एकूण झालेल्या मतदानापैकी 37.2 टक्के मिळाली. पण, सध्या बेटकर शिंदेंच्या शिवसेनेत आहेत. त्यामुळे यंदाच्या निवडणुकीत गुहागर विधानसभा मतदारसंघात कोण विजयाचा गुलाल उधळणार याकडे सर्वांचं लक्ष लागलं आहे.