नवी दिल्ली : पाच राज्यांतील विधानसभा निवडणुकीच्या निकालानंतर पंतप्रधान नरेंद्र मोदी यांनी काँग्रेसच्या विजयाबद्दल अभिनंदन केलं. तसेच तेलंगणात जिंकलेल्या केसीआर गारु आणि मिझोरममधील शानदार प्रदर्शन करणाऱ्या एमएनएफचंही अभिनंदन मोदींनी केले.
नरेंद्र मोदींनी ट्वीट करत म्हटलं की, "काँग्रेसचं विजयाबद्दल अभिनंदन. तेलंगणात केसीआर गारु आणि मिझोरममध्ये मिझो नॅशनल फ्रंटला शानदार विजयासाठी शुभेच्छा."
मोदींनी आणखी एक ट्वीट करत म्हटलं की, "पाच राज्यातील जनतेने दिलेल्या निर्णयाचं आम्ही नम्रपणे स्वीकार करतो. छत्तीसगड, मध्य प्रदेश आणि राजस्थानमधील जनतेने आम्हाला त्या त्या राज्यात सेवा करण्याची संधी दिली त्याबद्दल मी त्यांचे आभार मानतो. या राज्यांमध्ये भाजपच्या सरकारने जनतेच्या भल्यासाठी अथक परिश्रम घेतले."
याशिवाय मोदींनी भाजप कार्यकर्त्यांनी केलेल्या अथक परिश्रमाबद्दल त्यांचं कौतुक केलं. "भाजप कार्यकर्त्यांनी रात्रंदिवस काम केलं. त्यांनी केलेल्या मेहनतीला मी सलाम करतो. जिंकणे, हारणे जीवनाचा भाग आहे. आजचा निकालनंतर आम्ही लोकांची सेवा, भारताचा विकास करणे, नवीन आव्हानं पेलण्याचा आमचा संकल्प पुढे नेणार आहोत.
संबंधित बातम्या
भाजपला आज हरवले, 2019 मध्येदेखील हरवणार : राहुल गांधी
विधानसभा निवडणूक : चार राज्यांत मुख्यमंत्री पदासाठी 'ही' नावं चर्चेत
भाजपच्या जुलमी राजवटीला चपराक : राज ठाकरे
तदारांच्या धाडसाने देशाला नवी दिशा दिली : उद्धव ठाकरे
भाजप खासदार संजय काकडे यांचा पक्षाला घरचा आहेर
गेल्या वेळी केवळ एका मताने पराभव, यावेळी...