NEET-UG 2022 Result : नॅशनल टेस्टिंग एजन्सी (NTA) ने बुधवारी रात्री उशिरा NEET UG 2022 चा निकाल जाहीर केला. राजस्थानमधील कनिष्का या विद्यार्थ्याने राष्ट्रीय पात्रता प्रवेश परीक्षा (NEET) पदवी 2022 परीक्षेच्या निकालात अव्वल स्थान पटकावले आहे. 17 जुलै रोजी झालेल्या या परीक्षेत देश-विदेशात एकूण 94.2% परीक्षार्थींची उपस्थिती नोंदवली गेली. तर महाराष्ट्रातून ऋषि विनय बालसे या विद्यार्थ्याने 710 मार्क पटकावले आहेत.
टॉपर्सची यादी
राज्य विद्यार्थ्यांचे नाव मार्क्सराजस्थान तनिष्का 715दिल्ली वत्स आशीष बत्रा 715कर्नाटक ऋषिकेश गांगुली, 715तेलंगाना एराबेली सिद्धार्थ राव 711महाराष्ट्र ऋषि विनय बालसे 710पंजाब- अर्पित नारंग 710गुजरात जील विपुल व्यास 710जम्मू कश्मीर हाजिक परवीज 710पश्चिम बंगाल सायंतनी चटर्जी 710आंध्र प्रदेश मट्टा दुर्गा साई कीर्ति तेजा 710गोवा अनुष्का आनंद कुलकर्णी 705मध्यप्रदेश सानिका अग्रवाल 705तमिलनाडु त्रिदेव विनायक 705उत्तर प्रदेश एहसान अग्रवाल 705हरियाणा निशा 705ओडिशा प्रिया सौम्यदत्त नायक 705छत्तीसगढ़ ओम प्रभु 701केरल नंदिता पी 701
18,72,343 उमेदवारांची नोंदणीNTA च्या माहितीनुसार, यावर्षी NEET परीक्षेत सर्वाधिक 18,72,343 उमेदवारांची नोंदणी झाली होती. त्यापैकी 17,64,571, 94.2% परीक्षेसाठी उपस्थित होते आणि एकूण 993059 म्हणजेच 56.3% उमेदवार परीक्षेत उत्तीर्ण झाले आहेत. NTA ने सांगितले की, 429160 पुरुष, 563902 महिला आणि सात ट्रान्सजेंडर हे अंडरग्रेजुएट स्तरावर एमबीबीएस आणि बीडीएस अभ्यासक्रमांच्या प्रवेशासाठी देशातील सर्वात मोठ्या प्रवेश परीक्षेसाठी पात्र ठरले.
"टाय-ब्रेकर" फॉर्म्युला वापरून रँकराजस्थानमधील तनिष्का या विद्यार्थिनीने 99.99% गुण मिळवून संपूर्ण भारतात अव्वल स्थान पटकावले आहे. तर दिल्लीचा वत्स आशिष बत्रा आणि कर्नाटकचा हृषीकेश नागभूषण गांगुली यांनी अनुक्रमे दुसरे आणि तिसरे स्थान पटकावले आहे. जरी त्याने 99.99% गुण मिळवले असले तरी, यावर्षी NTA ने "टाय-ब्रेकर" फॉर्म्युला वापरून रँक दिली आहे. 9,93,069 पात्र उमेदवारांपैकी 2,82,184 अनारक्षित श्रेणीतील, 4,47,753 OBC श्रेणीतील, 1,31,767 SC, 47,295 ST आणि 84,070 EWS श्रेणीतील होते. याशिवाय, अपंग प्रवर्गातील 2,717 उमेदवारही परीक्षेत पात्र ठरले आहेत.
विविध शहरात, विविध भाषेत परीक्षा
NTA ने एका निवेदनात म्हटले की, NEET-UG भारताबाहेरील 14 शहरांसह देशभरातील 497 शहरांमधील 3570 केंद्रांवर आयोजित केले गेले. ही परीक्षा प्रथमच अबू धाबी, बँकॉक, कोलंबो, दोहा, काठमांडू, क्वालालंपूर, लागोस, मनामा, मस्कत, रियाध, शारजा, सिंगापूर तसेच दुबई आणि कुवेत सिटी येथे घेण्यात आली. परीक्षा 13 भाषांमध्ये (आसामी, बंगाली, इंग्रजी, गुजराती, हिंदी, कन्नड, मल्याळम, मराठी, उडिया, पंजाबी, तमिळ, तेलगू आणि उर्दू) घेण्यात आली. कोल्लम, श्रीगंगानगर, नागौर, कुशीनगर, भिंड, होशनगड, बेगुसराय आणि ठाणे येथील बाधित उमेदवारांसाठी पुनर्परीक्षा घेण्यात आली. परीक्षा फक्त इंग्रजी आणि हिंदी भाषेत घेण्यात आली.
कसा पाहाल NEET-UG 2022 चा निकाल? -उमेदवारांनी अधिकृत वेबसाइट nta.nic.in वर भेट द्यावी.-होम पेजवर दिलेल्या NEET UG निकाल 2022 च्या लिंकवर क्लिक करा. -(रजिस्ट्रेशन नंबर, पासवर्ड इत्यादी) मागितलेली माहिती सबमिट करा.-निकाल तुमच्या स्क्रीनवर दिसेल.-तुम्ही डाऊनलोड करुन निकालाची प्रिंटही काढू शकता.
Education Loan Information:
Calculate Education Loan EMI