JEE Mains Result 2022: प्रतीक्षा संपली! NTA कडून JEE सत्र 2 परीक्षेचा निकाल जाहीर, 24 विद्यार्थी ठरले 'शतकवीर'

JEE Mains Result 2022: नॅशनल टेस्टिंग एजन्सी (NTA) द्वारे या वर्षी घेतलेल्या JEE Mains सत्र 2 च्या परीक्षेत बसलेल्या उमेदवारांची प्रतीक्षा आता संपली आहे. 24 विद्यार्थ्यांनी 100 पैकी 100 गुण मिळवले.

JEE Mains Result 2022 : नॅशनल टेस्टिंग एजन्सी (NTA) द्वारे या वर्षी घेतलेल्या JEE Mains सत्र 2 च्या परीक्षेत बसलेल्या उमेदवारांची प्रतीक्षा आता संपली आहे. NTA ने या परीक्षेचा निकाल जाहीर केला आहे. उमेदवार जेईई मेन सत्र 2 चा निकाल अधिकृत वेबसाइट jeemain.nta.nic.in वर पाहू शकतात.

24 परीक्षार्थींनी पूर्ण 100 गुण मिळवले

अभियांत्रिकी महाविद्यालयांमध्ये प्रवेश घेण्यासाठी जेईई-मेन परीक्षेत 24 परीक्षार्थींनी पूर्ण 100 गुण मिळवले आहेत, तर पाच उमेदवारांचे निकाल कॉपी केल्याबद्दल रोखण्यात आले आहेत. राष्ट्रीय परीक्षा एजन्सीने (NTA) ही माहिती दिली.

100 गुण मिळवणाऱ्या उमेदवारांची संख्या सर्वाधिक

NTA नुसार, आंध्र प्रदेश (5) आणि तेलंगणा (5) या परीक्षेत पूर्ण 100 गुण मिळवणाऱ्या उमेदवारांची संख्या सर्वाधिक आहे. यामध्ये राजस्थान (4) तिसऱ्या स्थानावर आहे. NTA नुसार, हरियाणा, महाराष्ट्र, आसाम, बिहार, पंजाब, केरळ, कर्नाटक आणि झारखंडमधील प्रत्येकी एका उमेदवाराला पूर्ण 100 गुण मिळाले आहेत.

 

6 लाखांहून अधिक उमेदवारांनी दिली परीक्षा
नॅशनल टेस्टिंग एजन्सी (NTA) द्वारे संयुक्त प्रवेश परीक्षा (JEE) मुख्य 2022 सत्र 2 साठी Answer Key आधीच जारी केली गेली आहे. NTA ने 3 ऑगस्ट रोजी JEE Mains सत्र 2 साठी पेपर 1, पेपर 2 A आणि पेपर 2 B साठी तात्पुरत्या Answer Key जारी केल्या होत्या. JEE Mains 2022 सत्र 2 ची परीक्षा 25 जुलै ते 30 जुलै दरम्यान घेण्यात आली. याशिवाय, JEE Advanced 2022 साठी नोंदणी प्रक्रिया देखील सुरू झाली आहे. यावर्षी 6 लाखांहून अधिक उमेदवारांनी परीक्षा दिली होती.

JEE Mains सत्र 2 चा निकाल कसा तपासाल?

1: निकाल तपासण्यासाठी, उमेदवार प्रथम NTA च्या अधिकृत वेबसाइट jeemain.nta.nic.in आणि ntaresults.nic.in ला भेट द्या.
2: त्यानंतर उमेदवाराच्या मुख्यपृष्ठावर दिसणार्‍या JEE मुख्य सत्र 2 च्या निकालाच्या लिंकवर क्लिक करा.
3: नंतर उमेदवार आवश्यक माहिती टाका आणि लॉग इन करा.
4: यानंतर उमेदवाराचे स्कोअरकार्ड स्क्रीनवर दिसेल.
5: आता उमेदवाराने स्कोअरकार्ड डाउनलोड करावे.
6: शेवटी, उमेदवारांनी स्कोअर कार्डाची प्रिंट आउट घ्यावी.

इतर महत्वाच्या बातम्या

 

Education Loan Information: