CUET UG 2022 : CUET UG परीक्षा 15 जुलैपासून 550 शहरांमध्ये होणार, जाणून घ्या संपूर्ण माहिती

CUET UG 2022 : नॅशनल टेस्टिंग एजन्सी कॉमन युनिव्हर्सिटी एंट्रन्स टेस्ट CUET (UG) 2022 भारतातील 554 शहरांमध्ये आणि परदेशातील 13 शहरांमध्ये आयोजित करण्यात येणार आहे.

CUET UG 2022 : कॉमन युनिव्हर्सिटी एंट्रन्स टेस्ट म्हणजेच CUET 2022 (CUET 2022) ही देशातील दुसरी सर्वात मोठी परीक्षा बनली आहे, ज्याने पहिल्या वर्षीच देशातील केंद्रीय विद्यापीठांमध्ये पदवीपूर्व अभ्यासक्रमांच्या प्रवेशासाठी विक्रम केला आहे. युनिव्हर्सिटी ग्रँट्स कमिशन (UGC) चे अध्यक्ष एम जगदेश कुमार यांनी बुधवारी सांगितले की, नॅशनल टेस्टिंग एजन्सी कॉमन युनिव्हर्सिटी एंट्रन्स टेस्ट CUET (UG) 2022 भारतातील 554 शहरांमध्ये आणि परदेशातील 13 शहरांमध्ये आयोजित करण्यात येणार आहे.

86 विद्यापीठांमध्ये 9.5 लाखांहून अधिक उमेदवारांची प्रवेशासाठी नोंदणी

यूजीसी अध्यक्ष पुढे म्हणाले की 86 विद्यापीठांमध्ये 9.5 लाखांहून अधिक उमेदवारांनी प्रवेशासाठी नोंदणी केली आहे, त्यापैकी 43 केंद्रीय विद्यापीठे आहेत, 13 राज्य विद्यापीठे आहेत आणि 12 डीम्ड आहेत. दुसरीकडे, कुमार म्हणाले की CUET 15 जुलै ते 10 ऑगस्ट या कालावधीत संगणक आधारित परीक्षेद्वारे घेण्यात येईल. ही परीक्षा 15 जुलै, 16, 19, 20 आणि 4 ऑगस्ट, 5, 6, 7, 8 आणि 10 ऑगस्ट रोजी CBT पद्धतीने घेतली जाईल.

सर्व राज्यांतील उमेदवारांचे अर्ज 
या वेळी या परीक्षेसाठी ग्रामीण भागातील विद्यार्थ्यांनीही अर्ज केले आहेत. इतकेच नाही तर जवळपास प्रत्येक राज्य आणि केंद्रशासित प्रदेशातून CUET साठी अर्ज आले आहेत. यूजीसीला अपेक्षा आहे की पुढील वर्षी आणखी अनेक केंद्रीय आणि राज्य विद्यापीठे देखील या परीक्षेचे गुण ओळखतील.

डीयूसाठी सर्वाधिक अर्ज
यावेळी CUET परीक्षेद्वारे अर्ज केलेल्या विद्यार्थ्यांपैकी सर्वाधिक विद्यार्थ्यांनी दिल्ली विद्यापीठासाठी अर्ज भरले आहेत. यानंतर बीएचयू, अलाहाबाद विद्यापीठ या केंद्रीय विद्यापीठांना उमेदवारांनी प्राधान्य दिले आहे.

इतर महत्वाच्या बातम्या: 

Education Loan Information: