CUET UG 4th Phase 2022: तांत्रिक बिघाडामुळे तब्बल 13 केंद्रांवरील परीक्षा पुढे ढकलल्या, आता परीक्षा कधी होणार? जाणून घ्या

एबीपी माझा वेब टीम Updated at: 18 Aug 2022 07:58 AM (IST)

Edited By: ज्योती देवरे

CUET UG 4th Phase 2022:जे उमेदवार दुसऱ्या टप्प्यातील आणि चौथ्या टप्प्याची परीक्षा देऊ शकले नाहीत. त्यासाठी CUET 6व्या टप्प्याची परीक्षा होणार आहे.

CUET UG 4th Phase 2022:

CUET UG 4th Phase 2022: CUET चौथ्या टप्प्याची परीक्षा कालपासून सुरू झाली. मात्र चौथ्या टप्प्यात 13 केंद्रांवर 8600 हजार विद्यार्थी परीक्षा देऊ शकले नाहीत. आता त्यांची परीक्षा 30 ऑगस्टला होणार आहे. चौथ्या टप्प्यातील परीक्षा 17 ऑगस्ट ते 20 ऑगस्ट 2022 या कालावधीत होणार आहे. 3.72 लाख उमेदवार या परीक्षेला बसणार आहेत. नॅशनल टेस्टिंग एजन्सी (NTA) सर्व्हर डाऊन किंवा तांत्रिक बिघाडामुळे रद्द होत आहे. त्यामुळे विद्यार्थी आणि त्यांचे पालक चांगलेच चिंतेत आहेत.

कधी होणार परीक्षा?
त्याचबरोबर परीक्षा केंद्रांवर तांत्रिक अडचणींमुळे जे उमेदवार दुसऱ्या टप्प्यातील आणि चौथ्या टप्प्याची परीक्षा देऊ शकले नाहीत. त्यासाठी CUET 6व्या टप्प्याची परीक्षा 24, 25, 26 आणि 30 ऑगस्ट 2022 रोजी होणार आहे. परीक्षेशी संबंधित अधिक माहितीसाठी, उमेदवार अधिकृत वेबसाइटवर जाहीर केलेले परीक्षेचे वेळापत्रक पाहू शकतात. 6व्या टप्प्यातील परीक्षेचे प्रवेशपत्र 20 ऑगस्ट 2022 रोजी जारी केले जाईल. प्रवेशपत्र जारी केल्यानंतर, विद्यार्थी अधिकृत वेबसाइट cuet.samarth.ac.in वर जाऊन त्यांचे प्रवेशपत्र डाउनलोड करू शकतात.

फेज 5 परीक्षा
तिसऱ्या टप्प्याची परीक्षा 7, 8 आणि 10 ऑगस्ट रोजी होणार होती, आता 5 व्या टप्प्याची परीक्षा 21 ऑगस्ट 2022 पासून सुरू होईल आणि 23 ऑगस्ट 2022 पर्यंत चालेल. या परीक्षेला 2 लाखांहून अधिक उमेदवार बसतील. उमेदवारांना परीक्षेशी संबंधित नवीन अपडेटसाठी NTA वेबसाइट www.nta.ac.in तपासण्याचा सल्ला दिला जातो.

स्कोअरकार्ड कसे तपासाल?

-सर्व प्रथम, उमेदवार अधिकृत वेबसाइट cuet.samarth.ac.in वर जा.
-मुख्यपृष्ठावर दिलेल्या CUET UG 2022 निकालाच्या लिंकवर क्लिक करा.
-विनंती केलेली माहिती प्रविष्ट करून सबमिट करा जसे की नोंदणी क्रमांक इ.
-निकाल तुमच्या स्क्रीनवर दिसेल.
-आता तपासा आणि प्रिंट काढा.

संबंधित बातम्या