Pune Crime News : पिंपरी- चिंचवडच्या (Pimpri-Chinchwad) आकुर्डीमध्ये पत्नीनेच आपल्या पतीच्या हत्येसाठी (Murder) सुपारी दिल्याची धक्कादायक घटना उघडकीस आली आहे. आठ ही मुली झाल्याने पतीकडून सातत्याने पत्नीला त्रास दिला जात होता. सोबतच, पती दुसरे लग्न करण्याची तयारीत असल्याचा सुगावा पत्नीला लागल्याने तिने हे कृत्य केल्याचे उघड झालंय. या घटनेने परिसरात एकच खळबळ उडाली आहे. विशेष म्हणजे या महिलेने आधी पतीवर विषप्रयोग केला होता, मात्र त्यात यश मिळाले नसल्याने तिने हत्येसाठी सुपारी दिल्याचं पोलीस तपासात समोर आले आहे.
पतीला वंशाला दिवा हवा होता, पण सलग आठ मुली जन्मल्या. त्यामुळे पती चांगलाच संतापला होता. तो सातत्याने पत्नीवर चिडचिड करायचा, वाद घालायचा. त्यामुळे, पत्नी चांगलीच वैतागली होती. त्यामुळे तीने पतीचा कायमचा बंदोबस्त लावायचं ठरवलं. यासाठी सुरवातीला पतीवर विष प्रयोग करण्याचा प्रयत्न केला, पण तो फसला. त्यानंतर तीने शेजारीच राहणाऱ्या शिवम दुबे आणि अमन पुजारी यांना पाच लाखांची सुपारी दिली. यावेळी दोन लाख रुपये रोख देखील दिले. त्यानंतर त्या दोघांनी पतीवर हल्ला केला. मात्र, त्यात देखील गंभीर जखमी झालेला पती वाचला. या हल्ल्याप्रकरणी पोलिसांत गुन्हा दाखल करण्यात आला. दरम्यान पोलिसांनी तपास केला असता या सर्व प्रकरणात जखमी व्यक्तीची पत्नीच मास्टरमाईंड निघाली. त्यामुळे पतीलाही धक्का बसला.
आईनेच वडिलांची सुपारी दिल्याची मुलीला पुसटशी कल्पना नव्हती...
आरोपी महिलेकडून सुपारी घेतल्यावर शिवम दुबे आणि अमन पुजारी यांनी तिच्या पतीवर हल्ला केला. यावेळी त्यांना त्याची हत्या करायची होती, पण त्यातही तो वाचला. दरम्यान, वडिलांवर झालेल्या हल्ल्यानंतर मुलीने याबाबत निगडी पोलिस स्थानकात गुन्हा दाखल केला. मात्र, वडिलांवरील या हल्ल्यामागे आईचाच हात असेल याची तिला पुसटशी कल्पना ही नव्हती. पुढे तपासाची चक्र हलली अन् निगडी पोलिसांनी आठ तासांच्या आत गुन्हेगारांना अटक केली. त्यानंतर, पोलिसी खाक्या दाखवतातच आरोपींनी या मागील सुत्रधाराचे नाव सांगून टाकले. तेंव्हा पत्नीनेच ही सुपारी दिल्याचे समोर आले. त्यानुसार निगडी पोलिसांनी पत्नीसह दोन्ही आरोपींना अटक करण्यात आली आहे.
पहिल्यांदा विष प्रयोग केला...
आठही मुली झाल्याने आरोपी महिलेचा पती तिला नेहमी त्रास देत होता. वंशाला दिवा हवा असे म्हणत तो पत्नीला सतत टोमणे द्यायचा. यामुळे दोघांमध्ये नेहमी वाद व्हायचे. या सर्व रोजच्या वादाला महिला वैतागली होती. अनेकदा समजावून सांगून देखील पतीचा त्रास काही थांबत नव्हता. त्यामुळे शेवटी तिने पतीला कायमचं संपवण्याचा निर्णय घेतला. यासाठी पहिल्यांदा तिने पतीवर विष प्रयोग केला. पण सुदैवाने त्यात तो वाचला. त्यामुळे तिने दुसऱ्यांदा पतीला संपवण्याचा निर्णय घेतला. यासाठी शेजारी राहणाऱ्या दोघांना पाच लाखांची सुपारी दिली. पण 'जाको राखे साइयां, मार सके ना कोई' याप्रमाणे पती दुसऱ्यांदा देखील वाचला.
इतर महत्वाच्या बातम्या: