Nanded Crime News : नांदेड शहरात पोलीस आणि आरोपीमध्ये रात्रीच्या सुमारास एक थरारक प्रकार घडलाय. ज्यामध्ये आरोपीला पकडण्यासाठी पोलीस गेले असता तेव्हा गुन्हेगाराने (Crime News) चक्क पोलिसांवर रिवाल्वर रोखलीय. परिणामी पोलिसांनी ही गोळीबार केला, मात्र यात आरोपी पसार झालाय. नांदेड शहरातील कौठा भागात हा थरार घडला.
पोलिसांवर आरोपीने तानली बंदूक, पोलिसांचाही गोळीबार
मिळालेल्या माहितीनुसार, रेकॉर्डवरील सराईत गुन्हेगार आणि पोलिसांना हवा असलेला सुरज सिंह गाडीवाले हा नांदेड शहरातील कौठा परिसरात आहे, अशी माहिती स्थानिक गुन्हे शाखेला मिळाली. या माहितीच्या आधारे स्थानिक गुन्हे शाखेचे पथक कौठा परिसरात पोहोचले. तेव्हा सराईत गुन्हेगार सूरज सिंघ गाडीवाले कारमधून आला. मात्र पोलीस आल्याची त्याला कुणकुण लागली आणि त्याने गाडी पळवली. त्यांनतर एलसीबीच्या पथकाने पाठलाग केला तेव्हा आरोपी सूरज सिंघ गाडीवाले याने आपल्या जवळील गावठी पिस्टल काढली. त्याला उत्तर म्हणुन पोलिसांनी फायरिंग केली.
कुख्यात दहशतवादी हरविंदर सिंग रिंदा सोबत संबंध असल्याचा पोलिसांचा संशय
दरम्यान, अंधाराचा फायदा घेत आरोपी पसार झाला. त्याची गाडी पोलिसांनी जप्त केलीय. पोलिसांकडून नाकाबंदी करण्यात आली असून सध्या आरोपीचा शोध सूरू आहे. आरोपी सुरज गाडीवाले हा रेकॉर्डवरचां गुन्हेगार आहे. त्याचे कुख्यात दहशतवादी हरविंदर सिंग रिंदा सोबत संबंध असल्याचा पोलिसांचा संशय आहे. त्यामुळे त्याला अटक करणं हे पोलिसांपुढेच आव्हान असणार आहे.
कौटुंबिक वादातून पतीने केली पत्नीची हत्या, नंतर स्वतःलाही संपवलं
जालना जिल्ह्यातील भोकरदन तालुक्यातील पारध गावात धक्कादायक घटना घडलीय. कौटुंबिक वादातून पतीने पत्नीची हत्या करून नंतर स्व:ता आत्महत्या केलीय. समाधान अल्हाट आणि पत्नी कीर्ती यांच्यात दुपारी वाद झाला. या वादानंतर समाधान अल्हाट यांनी लोखंडी रॉडने पत्नीच्या डोक्यावर वार करून तिचा खून केलाय. पत्नीचा मृत्यू झाल्यानंतर समाधान अल्हाट यांनी घरातच गळफास घेऊन आत्महत्या केलीय. गेल्या काही दिवसांपासून या दाम्पत्यामध्ये वाद सुरू होता. पत्नीच्या चारित्र्यावर संशय घेऊन ही घटना घडली असल्याचा प्राथमिक अंदाज पोलिसांनी व्यक्त केलाय. घटनेची माहिती मिळताच पारध पोलिसांनी घटनास्थळी धाव घेत आणि पंचनामा केला. याप्रकरणी पारध पोलीस ठाण्यामध्ये गुन्हा दाखल झालाय.
इतर महत्वाच्या बातम्या