Crime News भाईंदर: भाईंदरमधील एक धक्कादायक घटना समोर आली आहे. एकजण खिडकीतून लपून लहान मुलींना आंघोळ करताना बघत असल्याची धक्कादायक माहिती समोर आली आहे. मुलीने तिच्या आईला सांगितल्यानंतर संपूर्ण प्रकरण उघड झालं. 


भाईंदर पश्चिम परिसरात एक जण लहान मुलींना आंघोळ करताना खिडकीतून लपून बघायचा. त्यानंतर मुलीने तिच्या आईला सांगितले. यानंतर आईने त्याला पकडण्यासाठी घरा बाहेर कॅमेरा लावला. त्यात तो पहाटे 4 वाजता दोन दिवस खिडकीतून पाहाताना दिसला. 


आरोपीला मनसे स्टाईलने दिला चोप-


सदर संपूर्ण प्रकरण संबंधित मुलीच्या आईने मनसेच्या पदाधिकाऱ्यांना सांगितले. यानंतर मुलीच्या आईने मनसे कार्यालयात अभिनंदन चव्हाण यांना तक्रार केली असता मिरा भाईंदर मनसे महिला सेना  याठिकाणी मंगळवारी संध्याकाळी 8 वाजता दाखल होताच त्याला मनसे स्टाईलने चोप देण्यात आला व त्या आरोपीला पोलिसांच्या ताब्यात देण्यात आले. पोलिसांनी त्या आरोपीला अटक करून आरोपी विरोधात भारतीय न्याय संहिता (बी एन एस) चे कलम 77खाली गुन्हा दाखल केला आहे.


शिक्षकाचा अल्पवयीन मुलीवर अत्याचार


देशभरात उद्या नवरात्री उत्सावाची तयारी सुरू असून राज्यात महिलांवरील अत्याचाराच्या घटना वाढत असल्याचे दिसून येते. बदलापूमधील शाळेत घडलेल्या लैंगिक अत्याचाराच्या घटनेनंतर राज्यभरातील विविध जिल्ह्यात महिला व अल्पवयीन मुलींवर होत असलेल्या अत्याचाराच्या घटना समोर आल्या आहेत. त्यामुळे, महिला अत्याचाराच्या घटनांवरुन तीव्र संताप व्यक्त होत आहे. शासनाकडून याबाबत कडक पाऊले उचलण्यात येत असल्याचे सांगण्यात येते. मात्र, दररोज नव्या ठिकाणावर अशा घटना घडत असल्याचं पाहायला मिळत आहे. आता, चंद्रपूर (Chandrapur) जिल्ह्यातील कोरपना येथील अल्पवयीन मुलीच्या बलात्कार प्रकरणात आरोपी अमोल लोडे याला अकोल्यातुन अटक करण्यात आली आहे. आरोपी अमोल लोडे युवक काँग्रेसचा (Congress) कोरपना शहर अध्यक्ष आहे. कॉन्व्हेंट शाळेत शिक्षक असलेल्या लोडे याने 12 वर्षीय अल्पवयीन विद्यार्थिनीवर अत्याचार केल्याची घटना उघडकीस आल्यानंतर राज्यभरातून तीव्र संताप व्यक्त होत आहे. तर, या घटनेचे राजकीय पडसादही उमटताना दिसून येत आहेत. उन्हाळ्यात ज्युनिअर IAS class घेण्याचे बहाण्याने आरोपी शिक्षकाने पीडित मुलीला शाळेत बोलावून अत्याचार केला. सोबतच तुझ्या आई-वडिलांना जीवानिशी मारून टाकेन धमकी आरोपीने पीडित मुलीला दिली होती. मात्र, पीडित मुलीने मैत्रिणीकडे या घृणीत प्रकरणाची वाच्यता केल्याने हा प्रकार उघडकीस आला. याप्रकरणी, पोलिसांनी pocso कायद्यांतर्गत गुन्हा दाखल केला आहे. 


संबंधित बातमी:


खिडकीतून लपून मुलींना आंघाळ करताना बघायचा; घराबाहेर कॅमेरा लावला अन् तावडीत सापडला, भाईंदरमधील घटना