अमरावती : परतवाडा-अचलपूर या जुळ्या शहरात अश्लील व्हिडीओ व्हायरल प्रकरणानं मोठी खळबळ उडाली आहे. या प्रकरणात 19 वर्षीय युवकावर गुन्हा दाखल करण्यात आला आहे. भाजप आमदार प्रवीण तायडे (Pravin Tayade) यांच्या तक्रारीवरून परतवाडा पोलीस ठाण्यात POCSO आणि BNS 294 अंतर्गत गुन्हा नोंदवण्यात आला आहे. या घटनेमुळे शहरात संताप आणि भीतीचं वातावरण निर्माण झालं असून पोलीस यंत्रणेबाबतही प्रश्न उपस्थित केले जात आहेत.
Amravati Viral Video Case : सोशल मीडियावर अश्लील व्हिडीओ व्हायरल
परतवाडा शहरातील गटरमलपुरा परिसरातील एका युवकाने इंस्टाग्राम आणि टेलिग्रामवर तरुणी आणि महिलांचे अश्लील व्हिडीओ प्रसारित केल्याचा आरोप आहे. या व्हिडीओमध्ये संबंधित युवक महिलांसोबत अश्लील कृत्य करताना दिसत असल्याचा दावा केला जातोय. या व्हिडीओमुळे परतवाडा आणि अचलपूर परिसरात मोठी खळबळ उडाली असून नागरिकांमध्ये संतापाची लाट उसळली आहे.
Sexual Exploitation Allegation : प्रेमाच्या जाळ्यात अडकवून शोषण?
या प्रकरणात आरोपीने अनेक तरुणींना प्रेमाच्या जाळ्यात ओढून त्यांच्यासोबत संबंध प्रस्थापित केले आणि त्याचं चित्रीकरण करून त्यांना ब्लॅकमेल केल्याचा गंभीर आरोप करण्यात येतोय. भाजपचे नेते अनिल बोंडे (Anil Bonde) यांनी या प्रकरणात धक्कादायक दावा करत सुमारे 180 तरुणींचं लैंगिक शोषण झाल्याचा आरोप केला आहे. तसेच 350 हून अधिक व्हिडिओ व्हायरल झाल्याचंही त्यांनी म्हटलं आहे.
Police Action : उशिरा कारवाई? SIT चौकशीची मागणी
गेल्या काही दिवसांपासून हे व्हिडीओ सोशल मीडियावर व्हायरल होत असताना पोलिसांनी तात्काळ कारवाई का केली नाही, असा सवाल उपस्थित केला जात आहे. या प्रकरणात SIT चौकशीची मागणीही करण्यात आली आहे. दरम्यान, आरोपी युवकाने कुटुंबासह परतवाडा सोडल्याची माहिती समोर येत असून पोलीस त्याचा शोध घेत आहेत.
Paratwada Video Investigation Update : पुढील तपास सुरू
पोलीस या प्रकरणाचा सखोल तपास करत असून पीडित महिलांची ओळख पटवण्याचं काम सुरू आहे. तसेच व्हायरल व्हिडीओंची सत्यता आणि त्यामागील नेटवर्क उघड करण्यासाठी तांत्रिक तपासही केला जातोय. या घटनेमुळे महिलांच्या सुरक्षेचा मुद्दा पुन्हा एकदा ऐरणीवर आला असून कडक कारवाईची मागणी जोर धरत आहे.
ही बातमी वाचा: