Akola News अकोला : हल्लीचा काळ हा सोशल मिडियाचा काळ आहे. या सोशल मीडियामुळे जग जवळ आलं असलं तरी, त्यांचे अनेक दुष्परिणाम देखील समोर येत असतात. अशातच सोशल मीडियावर धुमाकूळ घालण्यासाठी अकोल्यातल्या (Akola News) काही शाळकरी मित्रांनी एक धाडसी पाऊल उचलले आहे. हे प्रकरण उघडकीस आल्यानंतर सर्वसामान्यांसह पोलिसांकडूनही आश्चर्य व्यक्त करण्यात आलंय. सोशल मीडियावर रिल्स बनवण्यासोबतच फक्त मौज-मजेसाठी 4 अल्पवयीन मुलांसह एका तरुणाने चोरीचा (Crime) मार्ग निवडलाय. या पाच जणांनी थेट अकोल्यातल्या एमआयडीसी भागातील महिंद्रा शोरुमवरच डल्ला मारलाय. तर पुढं स्टॉक यार्डमधून चौघांनी महागड्या 3 लक्झरीएस कार चोरल्या. ज्याची किंमत प्रत्येकी 26 लाखापेक्षा अधिक आहे. मात्र हे प्रकरण पोलिसांनी (Akola Police) उघडकीस आणताच सर्वत्र एकच खळबळ उडाली आहे.
तब्बल 70 लाखांहुन अधिक रुपयांचा मुद्देमाल जप्त
सोशल मीडियावर रिल्स बनवून झटपट प्रसिद्ध होण्यासाठी आणि केवळ मौज-मस्तीसाठी 4 अल्पवयीन मुलांनी वेगळाच फंडा अवलंबलाय. पण हा फंडा आता त्यांच्या चांगलाच अंगलट आलाय. महार्गावर व्हिडिओ शूट करत 120 पेक्षा जास्त वेगानं वाहन चालवत असताना त्याचं हे बिंग फुटलं. दरम्यान, सद्यास्थित एमआयडीसी पोलिसांनी नवनवीन वाहनचोरी करून मजा करण्याऱ्या एका तरुणासह 4 अल्पवयीन मुलांना ताब्यात घेतलंय. मिर्झा उबेद बेदमिर्जा सईद बेग असं कार चोरणाऱ्या तरुणाचं नाव आहे. त्यांच्याकडून आतापर्यंत तब्बल 70 लाखांहुन अधिक रुपयांचा मुद्देमाल जप्त करण्यात आला आहे. सध्या पोलीस या प्रकरणाचा अधिक तपास करत आहे.
सोशल मिडियावर हवाबाजी करण्याचा नाद भोवला
पोलिसांनी पुढे केलेल्या तपासात अशी माहिती मिळाली आहे की, वाहने चोरणारे सर्व अल्पवयीन मुले चांगल्या कुटुंबातील आणि ख्यातनाम शाळेमध्ये शिक्षण घेत आहेत. मात्र, इतर मित्रांमध्ये वर्चस्व, सोशल मीडिया तसेच इन्स्टाग्रामवर रील्स बनवण्यासाठी त्यांनी हे टोकाचे पाऊल उचलले आहे. मात्र, शोरूमचे जनरल मॅनेजर सागर कड यांच्या सतर्कतेमुळे हे प्रकरण उघडकीस आलंय. सुरुवातीला एक गाडी आणि त्या पाठोपाठ 2 गाड्या या पाच मित्रांनी चोरल्या आहेत. ज्याची किंमत 70 लाखांहुन अधिक असल्याची माहिती पुढे आली आहे.
इतर महत्वाच्या बातम्या