Stock Market Closing Bell : मंगळवारच्या ट्रेडिंग सत्रात भारतीय शेअर बाजारात चढ-उतार दिसून आला. दिवसभराच्या व्यवहारात बाजारात तेजी आणि घसरणीचा खेळ सुरू असल्याचे चित्र होते. बहुतांशी स्टॉक्समध्ये घसरण दिसून आली. आयटी सेक्टरमध्ये खरेदीचा जोर दिसून आल्याने बाजार काही प्रमाणात सावरला. आजच्या दिवसभरातील व्यवहाराअंती मुंबई शेअर बाजाराचा निर्देशांक सेन्सेक्स 69 अंकांनी घसरून 66,459 वर स्थिरावला. तर, राष्ट्रीय शेअर बाजाराचा निर्देशांक निफ्टी 20 अंकांनी घसरून 19,735 अंकांवर बंद झाला.
सेन्सेक्स निर्देशांकातील 30 शेअर्सपैकी 15 शेअर्स वधारले होते. तर, निफ्टी 50 मधील 23 कंपन्यांच्या शेअर दरात तेजी दिसून आली.
कोणत्या सेक्टरमध्ये चढ-उतार
आजच्या व्यवहारात आयटी निर्देशांकात तेजी असल्याचे दिसून आले. आयटी स्टॉक्समध्ये खरेदीचा उत्साह दिसल्याने निफ्टी 360 अंकांच्या तेजीसह 30,288 अंकांवर स्थिरावला. त्याशिवाय, फार्मा, मेटल्स आणि कमोटिडी स्टॉक्समध्येही तेजी दिसून आली. मिड कॅप आणि स्मॉल कॅप स्टॉक्समध्येही तेजी दिसून आली. तर, बँकिंग, ऑटो, एफएमसीजी, रिअल इस्टेट, मीडिया, एनर्जी, इन्फ्रा, हेल्थकेअर, ऑईल अॅण्ड गॅस, ग्राहकोपयोगी वस्तूंच्या सेक्टरच्या शेअर्समध्ये तेजी दिसून आली.
| इंडेक्‍स | किती अंकांवर स्थिरावला | दिवसभरातील उच्चांक | दिवसभरातील नीचांक | किती टक्के बदल |
| BSE Sensex | 66,459.31 | 66,658.12 | 66,388.26 | -0.10% |
| BSE SmallCap | 35,180.57 | 35,257.68 | 35,086.03 | 00:07:21 |
| India VIX | 10.28 | 10.70 | 10.20 | -1.25% |
| NIFTY Midcap 100 | 37,718.10 | 37,884.45 | 37,666.90 | -0.01% |
| NIFTY Smallcap 100 | 11,778.25 | 11,805.45 | 11,746.05 | 0.64% |
| NIfty smallcap 50 | 5,338.50 | 5,355.25 | 5,323.65 | 0.83% |
| Nifty 100 | 19,659.85 | 19,722.10 | 19,630.70 | -0.10% |
| Nifty 200 | 10,437.50 | 10,469.70 | 10,421.85 | -0.08% |
| Nifty 50 | 19,733.55 | 19,795.60 | 19,704.60 | -0.10% |
गुंतवणूकदारांच्या संपत्तीत वाढ
मुंबई शेअर बाजारावर (BSE) लिस्टेड कंपन्यांचे एकूण बाजार भांडवल आज 1 ऑगस्ट रोजी 306.87 लाख कोटी रुपयांवर पोहोचले आहे. सोमवारी 31 जुलै रोजी बाजार भांडवल 306.66 लाख कोटी रुपये होते. आजच्या व्यवहारात BSE मध्ये सूचीबद्ध कंपन्यांचे मार्केट कॅप आज सुमारे 21 हजार कोटी रुपयांनी वाढले आहे.
2,068 समभाग वधारले
मुंबई शेअर बाजारात सूचीबद्ध असलेल्या कंपन्यांपैकी आज तेजीत असणाऱ्या स्टॉक्सची संख्या अधिक असल्याचे दिसून आले. एक्सचेंजमध्ये आज एकूण 3,728 शेअर्सचे व्यवहार झाले. यापैकी 2,068 शेअर्स तेजीसह बंद झाले. त्याच वेळी 1,492 शेअर्समध्ये घसरण झाली. तर 168 शेअर्स कोणत्याही चढ-उताराशिवाय फ्लॅट बंद झाले. याशिवाय आजच्या व्यवहारादरम्यान 338 कंपन्यांच्या शेअर्सने त्यांचा 52 आठवड्यांचा उच्चांक गाठला. त्याच वेळी, 28 समभागांनी त्यांच्या नवीन 52 आठवड्यांच्या नीचांक गाठला. 12 कंपन्यांच्या शेअर्स दराला अप्पर सर्किट लागले. तर, तीन कंपन्यांच्या शेअर दराला लोअर सर्किट लागले.