Petrol Diesel Rate Today 27 December: जागतिक बाजारात (Global Market) कच्च्या तेलाच्या (Crude Oil) किमतीत वाढ होत आहे. गेल्या 24 तासांत क्रूडच्या किंमतीत सुमारे 1 डॉलरनं वाढ झाली असून ब्रेंट क्रूड प्रति बॅरल 84 डॉलरच्या जवळ पोहोचलं आहे. दरम्यान, सरकारी तेल कंपन्यांनी मंगळवारी सकाळी जारी केलेल्या पेट्रोल आणि डिझेलच्या किमतींमध्ये (Petrol Diesel Rate) कोणताही बदल झालेला नाही. मात्र, आजही दिल्ली-मुंबईसारख्या महानगरांमध्ये तेलाच्या दरांत कोणताही बदल झालेला नाही.
कच्च्या तेलाबद्दल बोलायचं झालं तर, गेल्या 24 तासांत त्याच्या किमतींत पुन्हा वाढ होत आहे. ब्रेंट क्रूडची किंमत जवळपास 1 डॉलरवर चढून प्रति बॅरल 83.92 डॉलरवर पोहोचली आहे. तसेच, WTI ची किंमत 1 डॉलरनं वाढून 80.52 डॉलर प्रति बॅरल झाली आहे.
यापूर्वी 21 मे रोजी सरकारनं पेट्रोल डिझेलच्या किमतीवरील उत्पादन शुल्कात कपात केली होती. पेट्रोलवरील उत्पादन शुल्कात प्रतिलिटर 8 रुपये आणि डिझेलवर 6 रुपयांनी कपात करण्यात आली आहे. त्यानंतर पेट्रोल आणि डिझेलच्या दरांत घट झाली होती. यानंतर देशात डिझेल 9.50 रुपयांनी तर डिझेल 7 रुपयांनी स्वस्त झालं होतं. केंद्राच्या घोषणेनंतर राजस्थान, महाराष्ट्र, ओदिशा आणि केरळ सरकारनंही व्हॅटमध्ये कपात केली होती.
Petrol Diesel Rate Today: देशातील महानगरांमधील पेट्रोल डिझेलचे दर
सध्या दिल्लीत पेट्रोल 96.72 रुपये प्रति लीटर तर डिझेल 89.62 रुपये प्रति लिटर विकलं जातंय. तर मुंबईत पेट्रोल 106.31 रुपये आणि डिझेल 94.27 रुपये प्रतिलिटर आहे. तर कोलकात्यात पेट्रोल 106.03 रुपये आणि डिझेल 92.76 रुपये प्रति लिटर आहे. दुसरीकडे, चेन्नईमध्ये पेट्रोल 102.63 रुपये आणि डिझेल 94.24 रुपये प्रति लिटर दरानं विकलं जात आहे.
Petrol Diesel Price Today : राज्यात कोणत्या शहरात किती दर?
- नागपूर : पेट्रोल 106.04 रुपये प्रति लिटर, डिझेल 92.59 रुपये प्रति लिटर
- पुणे : पेट्रोल105.84 रुपये प्रति लिटर, डिझेल 92.36 रुपये प्रति लिटर
- कोल्हापूर : पेट्रोल 106.47 रुपये प्रति लिटर, डिझेल 93.01 रुपये प्रति लिटर
- औरंगाबाद : पेट्रोल 108 रुपये, डिझेल 95.96 रुपये प्रति लिटर
- परभणी : 109.45 रुपये प्रति लिटर, डिझेल 95.81 रुपये प्रति लिटर
- नाशिक : पेट्रोल 106.77 रुपये प्रति लिटर, डिझेल 93.27 रुपये प्रति लिटर
Petrol Diesel Price Today : तुमच्या शहरांतील पेट्रोल-डिझेलच्या किमती जाणून घ्या
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).