Petrol Diesel Price Today: आंतरराष्ट्रीय बाजारात कच्च्या तेलाच्या दरात होत असलेल्या चढ-उताराच्या पार्श्वभूमीवर भारतीय इंधन कंपन्यांनी आजचे इंधन दर (Petrol Diesel Price Today 17 July 2022) जाहीर केले आहेत. इंधन कंपन्यांनी जारी केलेल्या दरानुसार, आजही इंधन दर स्थिर आहेत. राज्यात पेट्रोलचे दर अजूनही शंभर रुपयांहून अधिक आहेत. आंतरराष्ट्रीय बाजारात कच्च्च्या तेलाचे दर घटले आहेत. मात्र, त्याचा दिलासा अजूनही भारतीय ग्राहकांना मिळाला नाही.
काही दिवसांपूर्वी राज्य सरकारने पेट्रोल, डिझेलच्या दरात कपात करण्याचा निर्णय घेतला होता. त्याच्या परिणामी राज्यात पेट्रोलच्या दरात प्रतिलिटर पाच रुपये आणि डिझेलच्या दरात तीन रुपयांची कपात झाली. या दर कपातीमुळे वाढणाऱ्या महागाईला किंचित आळा बसेल अशी अपेक्षा व्यक्त केली जात आहे.
देशातील महानगरांत पेट्रोल-डिझेलचे दर काय?
इंडियन ऑइल कंपनीने आज इंधन दर जाहीर केले. देशाची आर्थिक राजधानी असलेल्या मुंबईत इंधन दर स्थिर आहे. देशाची आर्थिक राजधानी असणाऱ्या मुंबईत पेट्रोलचा दर 106.25 रुपये तर डिझेलचा दर 94.22 रुपये प्रतिलिटर आहे. तर देशाची राजधानी दिल्लीत एक लिटर पेट्रोलची किंमत 96.72 रुपये आणि एक लिटर डिझेलची किंमत 89.62 रुपये आहे. चेन्नईमध्ये पेट्रोलचे दर 102.63 रुपये प्रतिलिटर असून डिझेलचा दर 94.24 रुपये आहे. कोलकातामध्ये पेट्रोलचा दर 106.03 रुपये आणि डिझेलचा दर 92.76 रुपये प्रतिलिटर आहे.
महाराष्ट्रातील महत्त्वाच्या शहरांतील दर काय?
राज्य सरकारने पेट्रोलवरील करात प्रतिलिटर पाच रुपये आणि डिझेलवरील प्रतिलिटर तीन रुपयांची कपात करण्याचा निर्णय घेतला होता. त्यानंतर राज्यात पेट्रोल, डिझेलमधील दरात मोठी कपात झाली आहे. आज पुण्यात पेट्रोलचा दर प्रति लिटर 105.84 रुपये तर डिझेलचा दर 92.36 रुपये प्रति लिटर आहे. नाशिकमध्ये पेट्रोलचा दर प्रतिलिटर 106.70 रुपये तर डिझेलचा दर 93.19 रुपये प्रतिलिटर आहे. नागपुरात पेट्रोलचा दर प्रतिलिटर 106.03 रुपये तर डिझेलचा दर 92.58 रुपये प्रतिलिटर आहे. कोल्हापुरात पेट्रोलचा दर प्रतिलिटर 106.29 रुपये तर डिझेलचा दर 92.83 रुपये प्रतिलिटर आहे.
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).