Petrol Diesel Price : कच्च्या तेलाच्या किमती पुन्हा वाढल्यात, आता पेट्रोल-डिझेलचे दरही वाढणार?

Petrol Diesel Price : देशात दीड वर्षाहून अधिक काळापासून पेट्रोल-डिझेलचे दर स्थिर आहेत. आज 511 वा दिवस आहे. आजही देशात पेट्रोल-डिझेलच्या किमतींत कोणताही बदल करण्यात आलेला नाही.

Petrol Diesel Rate on 30th August 2023: आंतरराष्ट्रीय बाजारात कच्च्या तेलाच्या किमतींत वाढ झाली आहे. गेल्या काही दिवसांपासून कच्च्या तेलाचा दर 84 प्रति बॅरलच्या आसपास नोंदवला जात होता, मात्र आज 30 ऑगस्ट रोजी सकाळी कच्च्या तेलाच्या दरांत आणखी वाढ झाली आहे. ब्रेंट क्रूड तेल 85 डॉलरच्या पुढे नोंदवलं जात आहे. आंतरराष्ट्रीय बाजारात कच्च्या तेलाच्या किमतींच्या आधारावरच देशात पेट्रोल आणि डिझेलच्या किमती (Petrol Diesel Price) निश्चित केल्या जातात. मात्र, देशात तेलाच्या किमतींचा परिणाम अद्याप दिसून आलेला नाही.

देशातील पेट्रोल आणि डिझेलचे दर जैसे थेच आहेत. आज म्हणजेच, 30 ऑगस्ट रोजी अपडेट झालेल्या पेट्रोल आणि डिझेलच्या किमतींनुसार, आज पेट्रोल-डिझेलच्या किमतींत कोणताही बदल झालेला नाही. 

कच्च्या तेलाची किंमत

आंतरराष्ट्रीय बाजारात आज सकाळी, 30 ऑगस्ट रोजी, ब्रेंट क्रूड तेलाची किंमत प्रति बॅरल 85.68 डॉलरवर आहे. तसेच, WTI क्रूड प्रति बॅरल 81.43 डॉलरवर पोहोचलं आहे. मात्र, त्यानंतरही भारतीय बाजारातील तेलाच्या दरांत कोणताही बदल झालेला नाही.

दिल्ली, मुंबईसह इतर महानगरांमधील दर काय? 

देशाची राजधानी दिल्लीबद्दल बोलायचं झालं तर, येथे पेट्रोलची किंमत प्रति लिटर 96.72 आणि डिझेलची किंमत 89.62 प्रति लिटर आहे. याशिवाय मुंबईत पेट्रोलचा दर प्रति लिटर 106.31 तर डिझेलचा दर 94.27 प्रति लिटर आहे. तर चेन्नईमध्ये पेट्रोलचा दर प्रति लिटर 102.63 तर डिझेलचा दर 94.24 प्रति लिटर आहे. तर कोलकात्यात पेट्रोल 106.03 आणि डिझेल 92.76 प्रति लिटरनं विकलं जात आहे.

दररोज सकाळी 6 वाजता होतात दर अपडेट 

दररोज सकाळी 6 वाजता पेट्रोल आणि डिझेलच्या दरात बदल होतो. नवे दर सकाळी 6 वाजल्यापासून लागू होणार आहेत. पेट्रोल आणि डिझेलच्या किमतीत एक्साईज ड्युटी, डीलर कमिशन, व्हॅट आणि इतर गोष्टी जोडल्यानंतर त्याची किंमत मूळ किंमतीपेक्षा जवळपास दुप्पट होते. त्यामुळेच पेट्रोल आणि डिझेलचे दर वाढलेले दिसत आहेत.

Petrol Diesel Price Today : तुमच्या शहरांतील पेट्रोल-डिझेलच्या किमती जाणून घ्या

इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.

इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.

पेट्रोल आणि डिझेलच्या किंमती (Petrol Diesel Price) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).