Petrol-Diesel Price Today: महागाईनं सर्वसामान्यांच्या खिशाला चाप बसला आहे. अशातच वाढलेल्या कच्च्या तेलाच्या किमतींमुळे पुन्हा एकदा सर्वसामान्यांनी धसका घेतला आहे. भारतीय तेल कंपन्यांकडून दररोज पेट्रोल-डिझेलच्या किमतींमध्ये बदल केला जातो आणि नवे दर जाहीर केले जातात. पण, गेल्या दीड वर्षापासून देशातील पेट्रोल-डिझेलच्या दरांत कोणताही बदल झालेला नाही.
आंतरराष्ट्रीय बाजारात कच्च्या तेलाच्या किमतींत चढ-उतार दिसत असले तरी त्याचा पेट्रोल आणि डिझेलच्या किमतींवर (Petrol Diesel Price) परिणाम होत नाही. आज म्हणजेच, 23 ऑगस्टसाठी देशातील तेल वितरण कंपन्यांनी पेट्रोल आणि डिझेलचे दर जाहीर केले आहेत. 23 ऑगस्टलाही पेट्रोल आणि डिझेलच्या दरांत कोणताही बदल झालेला नाही.
दिल्ली, मुंबईसह इतर महानगरांमधील दर काय?
देशाची राजधानी दिल्लीबद्दल बोलायचं झालं तर, येथे पेट्रोलची किंमत प्रति लिटर 96.72 आणि डिझेलची किंमत 89.62 प्रति लिटर आहे. याशिवाय मुंबईत पेट्रोलचा दर प्रति लिटर 106.31 तर डिझेलचा दर 94.27 प्रति लिटर आहे. तर चेन्नईमध्ये पेट्रोलचा दर प्रति लिटर 102.63 तर डिझेलचा दर 94.24 प्रति लिटर आहे. तर कोलकात्यात पेट्रोल 106.03 आणि डिझेल 92.76 प्रति लिटरनं विकलं जात आहे.
कच्च्या तेलाचे आजचे दर काय?
आंतरराष्ट्रीय बाजारातील कच्च्या तेलाच्या किंमतीबद्दल बोलायचं झालं तर त्यात घसरण पाहायला मिळत आहे. ब्रेंट क्रूड ऑईल आणि डब्ल्यूटीआय क्रूड ऑईल दोन्ही लाल चिन्हावर व्यवहार करत आहेत. WTI कच्च्या तेलाच्या किमतीत 0.46 टक्क्यांची घसरण नोंदवण्यात आली आहे आणि ती प्रति बॅरल 80.35 डॉलरवर व्यापार करत आहे. तसेच, ब्रेंट क्रूड ऑईलच्या किमतींत 0.18 टक्क्यांनी घट झाली आहे आणि ते प्रति बॅरल 83.88 डॉलरवर व्यापार करत आहे.
दररोज सकाळी 6 वाजता होतात दर अपडेट
दररोज सकाळी 6 वाजता पेट्रोल आणि डिझेलच्या दरात बदल होतो. नवे दर सकाळी 6 वाजल्यापासून लागू होणार आहेत. पेट्रोल आणि डिझेलच्या किमतीत एक्साईज ड्युटी, डीलर कमिशन, व्हॅट आणि इतर गोष्टी जोडल्यानंतर त्याची किंमत मूळ किंमतीपेक्षा जवळपास दुप्पट होते. त्यामुळेच पेट्रोल आणि डिझेलचे दर वाढलेले दिसत आहेत.
Petrol Diesel Price Today : तुमच्या शहरांतील पेट्रोल-डिझेलच्या किमती जाणून घ्या
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती (Petrol Diesel Price) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).