Petrol Diesel Rate Today 12th July 2023: आंतरराष्ट्रीय बाजारात कच्च्या तेलाचे दर (Crude Oil) आज स्थिरच आहेत. WTI क्रूड 0.01 डॉलरनं घसरलं असून प्रति बॅरल 74.82 डॉलरवर विकलं जात आहे. तसेच, ब्रेंट क्रूड 0.02 डॉलरनं घसरून 79.38 डॉलर प्रति बॅरलवर व्यवहार करत आहे. देशातील तेल वितरण कंपन्यांनी पेट्रोल आणि डिझेलचे नवे दर (Petrol Diesel Price) जाहीर केले आहेत. दरम्यान, भारतात दररोज सकाळी 6 वाजता इंधनाच्या किमती बदलल्या जातात. यापूर्वी जून 2017 पूर्वी दर 15 दिवसांनी किमतीत सुधारणा केली जात होती. 


आजच्या पेट्रोल-डिझेलच्या नव्या दरांनुसार, देशातील पेट्रोल-डिझेलच्या किमती स्थिर आहेत. पण देशातील राज्यांतील काही भागांत पेट्रोल-डिझेलच्या किमतींमध्ये किरकोळ बदल झाले आहेत. गुजरातमध्ये पेट्रोल 61 पैशांनी तर डिझेल 62 पैशांनी स्वस्त झाले आहेत. हिमाचल प्रदेशमध्ये पेट्रोलच्या दरांत 54 पैशांनी तर डिझेलच्या दरांत 47 पैशांनी घट झाली आहे. महाराष्ट्रातील काही जिल्ह्यांमध्ये पेट्रोल-डिझेलच्या दरांत बदल झाला आहे, मात्र मुंबईतील पेट्रोल-डिझेलचे दर स्थिर आहेत.


याशिवाय झारखंड, तेलंगणा, कर्नाटक आणि उत्तर प्रदेशमध्येही पेट्रोल आणि डिझेलच्या दरात घट झाली आहे. दुसरीकडे पश्चिम बंगालमध्ये पेट्रोल 25 पैशांनी तर डिझेल 24 पैशांनी महागलं आहे. याशिवाय केरळ आणि तामिळनाडूमध्येही इंधन महागलं आहे.


तब्बल 1 वर्षाहून अधिक काळ झाला असून पेट्रोल आणि डिझेलच्या दरांत कोणताही बदल झालेला नाही. 22 मे रोजी शेवटच्या वेळी पेट्रोल आणि डिझेलच्या दरांत बदल करण्यात आला आणि तेव्हापासून आजतागायत पेट्रोल आणि डिझेलच्या दरांत कोणताही बदल झालेला नाही.


देशातील महानगरांत पेट्रोल-डिझेल स्थिर 



  • दिल्लीमध्ये पेट्रोल 96.72 रुपये आणि डिझेल 89.62 रुपये प्रति लिटर 

  • मुंबईमध्ये पेट्रोल 106.31 रुपये आणि डिझेल 94.27 रुपये प्रति लिटर 

  • कोलकातामध्ये पेट्रोल 106.03 रुपये आणि डिझेल 92.76 रुपये प्रति लिटर 

  • चेन्नईमध्ये पेट्रोल 102.63 रुपये आणि डिझेल 94.24 रुपये प्रति लिटर 


Petrol Diesel Price Today : तुमच्या शहरांतील पेट्रोल-डिझेलच्या किमती जाणून घ्या


इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.


इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.


पेट्रोल आणि डिझेलच्या किंमती (Petrol Diesel Price) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).