नवी दिल्ली : देशातीत सर्वात मोठी ई-वॉलेट कंपनी असलेली पेटीएम आता देशातील सर्वात मोठा आयपीओ आणण्याची तयारी करता आहे. त्या आधारे प्रायमरी मार्केटमधून 21,800 कोटी रुपये उभारण्याची तयारी पेटीएमकडून करण्यात येत आहे. त्यामुळे देशातील गुंतवणूकदारांसाठी ही एक सुवर्णसंधी असल्याचं सांगण्यात येतंय.


ब्लुमबर्गच्या एका माहितीनुसार, पेटीएमची पेरेंट कंपनी असलेल्या One97 कम्युनिकेशनची आज बोर्ड मीटिंग आहे. त्या मीटिंगमध्ये आयपीओचा हा निर्णय होण्याची शक्यता आहे. हा आयपीओ जवळपास 21,800 कोटी रुपयांचा असेल. पेटीएमचा हा आयपीओ या वर्षीच्या नोव्हेंबरपर्यंत सुरु होण्याची शक्यता आहे. पेटीएम कंपनीची मार्केट व्हॅल्यू सध्या 16 अब्ज डॉलर्स इतकी आहे. 


 






पेटीएम कंपनीची 2020 सालची कमाई ही 3280 कोटी रुपये होती. या वर्षी त्यामध्ये घट होऊन ती 2942 कोटी रुपयांवर आली आहे. भारतीय मार्केटमध्ये पेटीएमची स्पर्धा ही PhonePe, Google Pay,Amazon Pay आणि Whatsapp Pay यांच्याशी आहे. पेटीएमकडे भारतात दोन कोटींहून जास्त मर्चंट्स पार्टनर्स आहेत आणि ग्राहकांकडून महिन्याला 1.4 अब्ज रुपयांचं ट्रान्जेक्शन केलं जातं. 


महत्वाच्या बातम्या :