Reliance Shares: उद्योगपती मुकेश अंबानी यांच्या मालकीच्या रिलायन्स इंडस्ट्रीजच्या शेअर्समध्ये वाढ दिसून येत आहे. यासोबतच रिलायन्स इंडस्ट्रीज (RIL) चे अध्यक्ष या वाढीमुळे 100 अब्ज डॉलर क्लबमध्ये सामील होण्याच्या शर्यतीत आले आहेत. आशियातील सर्वात श्रीमंत व्यक्ती मुकेश अंबानी यांची संपत्ती 3.7 अब्ज डॉलर्सनी वाढली आहे. कारण रिलायन्सचे शेअर्स सोमवारी 52 आठवड्यांच्या उच्चांकी 2479.85 रुपयांवर पोहोचले.
ब्लूमबर्ग बिलियनेअर्स इंडेक्सनुसार, 64 वर्षीय अंबानी 92.6 अब्ज डॉलर्सच्या संपत्तीसह जगातील 12 व्या क्रमांकाचे श्रीमंत आहेत. या वर्षाच्या सुरुवातीपासून अंबानींनी त्यांच्या संपत्तीत 15.9 अब्ज डॉलरहून अधिक वाढ केली आहे. आरआयएलचा शेअर मंगळवारी 0.7% वाढून 2441.3 रुपयांवर बंद झाला.
रिलायन्स इंडस्ट्रीजच्या शेअर्समध्ये वाढ होत राहणार..
कंपनीचे मूल्य 15.5 लाख कोटी रुपयांच्या जवळ आहे, ज्यामुळे भारतातील सर्वात मौल्यवान आणि 15 लाख कोटी रुपयांपेक्षा जास्त असलेली पहिली कंपनी आहे. तज्ज्ञांच्या मते, RIL च्या शेअरची किंमत अशीच वाढू शकते. कारण लार्ज-कॅप स्टॉकने एक वर्षाच्या एकत्रीकरणानंतर नवीन ब्रेकआउट दिला आहे आणि पुढील 9-12 महिन्यांत 3,000 रुपयांची पातळी ओलांडण्याची शक्यता आहे.
हे आहेत अंबानींच्या पुढे
सध्या मुकेश अंबानींच्या यांच्या पुढे 11 अब्जाधीश आहेत. अॅमेझॉनचे जेफ बेझोस ($ 201 अब्ज), टेस्लाचे एलोन मस्क ($ 199 अब्ज), LVMH चे बर्नार्ड अर्नाल्ट ($ 164 अब्ज), मायक्रोसॉफ्टचे संस्थापक बिल गेट्स ($ 154 अब्ज), फेसबुकचे संस्थापक मार्क झुकेरबर्ग. ($ 140 अब्ज), गुगलचे सह-संस्थापक लॅरी पेज ($ 128 अब्ज), सेर्गेई ब्रिन ($ 124 अब्ज), मायक्रोसॉफ्टचे माजी सीईओ आणि अंबानीचे वर्गमित्र स्टीव्ह बाल्मर ($ 108 अब्ज), ओरॅकलचे सह-संस्थापक लॅरी एलिसन ($ 104 अब्ज), बर्कशायर हॅथवेचे अध्यक्ष वॉरेन बफे ($ 103 अब्ज) आणि फ्रँकोइस बेटेनकोर्ट मेयर्स, लॉरियल संस्थापकाची नात आणि जगातील सर्वात श्रीमंत महिला ($ 92.9 अब्ज) यांचा समावेश आहे.