मुंबई : गेल्या आठवडाभरात सातत्याने घसरणाऱ्या सोन्या-चांदीच्या भावात शनिवारी बाजार बंद होताना कोणताही बदल झाला नाही. आज मुंबई आणि पुण्यात 24 कॅरेट सोन्याचा भाव हा 47,220 रुपये आहे तर 22 कॅरेट सोन्याचा भाव हा 46,220 रुपये इतका आहे. एक किलो चांदीसाठी आता 67,600 रुपये मोजावे लागणार आहेत. जागतिक स्तरावरील गुंतवणूक कमी झाल्याने सोन्या-चांदीचे भाव घसरत आहेत.
गेल्या आठवड्यात 14 जून रोजी 24 कॅरेट सोन्याचा भाव हा 48,760 रुपये इतका होता. तो आज, रविवारी 47,220 रुपये इतका झाला आहे. 14 जून रोजी एक किलो चांदीचा भाव हा 71,900 रुपये इतका होता, तो आता 67,600 रुपये इतका झाला आहे.
काही दिवसांपूर्वी सातत्याने वाढणाऱ्या सोन्या- चांदीचे भाव गेल्या आठवड्याभरात घसरले. कोरोनाच्या पार्श्वभूमीवर जागतिक पातळीवर आलेल्या आर्थिक मंदीचा परिणाम म्हणून सोन्याच्या मागणीत घट झाल्याचं दिसून येतंय. त्याचा परिणाम म्हणजे गेल्या आठवड्याभरात सोन्याच्या दरात दीड हजारांची तर चांदीच्या दरात पाच हजार रुपयांची घसरण झाली. त्यामुळे ग्राहकांनी सोने खरेदीसाठी गर्दी केल्याचं दिसून येत आहे. कोरोनाच्या पार्श्वभूमीवर जागतिक पातळीवर आर्थिक मंदीचं सावट पसरले आहे. त्याचा परिणाम म्हणून सोन्याच्या गुंतवणुकीकडे गुंतवणूकदारांचा कल काहीसा कमी झाल्याने सोन्याच्या मागणीत घट झाल्याचे दिसून येत आहे.
मुंबईतील सोन्याच्या भावावर आंतरराष्ट्रीय दराचा जरी फरक पडत असला तरी काही स्थानिक गोष्टीही प्रभाव टाकतात. इंडियन बुलियन ज्वेलर्स असोसिएशनकडून मुंबईतील सोन्याचा दर ठरवला जातोय. त्यामध्ये स्थानिक आयात कर आणि MCX या कमोडिटी मार्केटचा विचार केला जातो. MCX हे देशातील सर्वात मोठे कमोडिटी मार्केट असून या ठिकाणी सोन्याचा भाव ठरवला जातो.
ऑगस्ट 2020 मध्ये सोन्याच्या भावाने प्रती 10 ग्रॅमसाठी 56 हजार रुपयांचा विक्रमी आकडा गाठला होता. त्यानंतर सोन्याच्या भावामध्ये आता जवळपास दहा हजार रुपयांची घसरण झाल्याची पहायला मिळतंय.
महत्वाच्या बातम्या :