Gold Silver Price Today : गेल्या काही दिवसांपासून सोन्या-चांदीच्या (Gold-Silver Price) दरात सातत्याने वाढ होताना दिसत आहे. सोने आणि चांदी या दोन्ही धातूंच्या किंमतीत वाढ सुरूच आहे. रशिया आणि युक्रेनमधील तणावामुळे या धातूंच्या किंमतीवर परिणाम होत आहे. युद्धाचा परिणाम म्हणून सोन्याच्या किंमतीतील ताजी दरवाढ पाहायला मिळत आहे. सोन्याच्या किंमतीत वाढ झाल्याने भारतीय बाजारपेठेवरही झाला आहे. आज नेमके सोन्या-चांदीचे दर काय आहेत ते जाणून घ्या.
सोन्या -चांदीचे ताजे दर :
गुड रिटर्न्स वेबसाईटनुसार मुंबईमध्ये आज 22 कॅरेट सोन्याचा दर प्रति 10 ग्रॅम 48,410 रुपये आहे. तर, 24 कॅरेट सोन्याचा दर 52,810 प्रति 10 ग्रॅम आहे. तर 1 किलो चांदीचा दर 74,700 रूपये प्रति किलो झाला आहे.
तुमच्या शहराचे दर तपासा :
तुम्ही घरी बसूनही सोन्याची किंमत तपासू शकता. इंडियन बुलियन अँड ज्वेलर्स असोसिएशनच्या मते, तुम्ही 8955664433 या क्रमांकावर मिस कॉल देऊन किंमत तपासू शकता. तुम्ही ज्या नंबरवरून मेसेज कराल त्याच नंबरवर तुम्हाला मेसेज येईल.
खरेदी करण्यापूर्वी सोन्याची शुद्धता तपासा :
तुम्ही सोने खरेदी करत असाल तर त्यापूर्वी त्याची शुद्धता नक्कीच तपासा. BIS CARE APP द्वारे तुम्ही कोणत्याही हॉलमार्क केलेल्या दागिन्यांची शुद्धता सहज तपासू शकता. यासाठी तुम्ही दागिन्यांचा HUID क्रमांक 'verify HUID' द्वारे तपासू शकता. याबरोबरच तुम्ही ISI मार्कने कोणत्याही वस्तूची शुद्धता देखील तपासू शकता.
महत्वाच्या बातम्या :
- Share Market : शेअर बाजाराची सावध सुरुवात; सेन्सेक्स, निफ्टी किंचीत वाढ
- IPO : फ्लिपकार्टचे सचिन बन्सल नवी टेक्नॉलॉजीचा 3,350 कोटी रुपयांचा आयपीओ आणणार
- Share Market : या आठवड्यात शेअर बाजारासाठी 'हे' महत्त्वाचे निर्णय दिशा ठरवणार; तज्ज्ञ काय म्हणतात वाचा
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha