Gold Silver Price: चालू वर्षात सोन आणि चांदी या धातूने नवा विक्रम रचला आहे. त्यानंतर आता गेल्या दोन ते तीन आठवड्यांपासून सोने आणि चांदीच्या दरात चढ-उतार पाहायला मिळत आहे. हे दोन्ही मौल्यवान धातू तुलनेने स्वस्त झाले आहेत. अमेरिकेच्या निवडणूक निकालानंतर अमेरिकेचे चलन डॉलरमध्ये तेजी आली आहे. दुसरीकडे वायदा बाजारात मात्र सोने आणि चांदीचा दर कमी होताना दिसतोय. आता लग्नसराई चालू झाली आहे. त्यामुळे लग्नसोहळ्यासाठी दागिने खरेदी करणाऱ्यांसाठी यामुळे थोडा दिलासा मिळाला आहे.
सोनं आणि चांदी झालं स्वस्त
मिळालेल्या माहितीनुसार दिवाळीनंतर सोने आणि चांदीच्या दरात मोठी घसरण झाली आहे. फक्त सोन्याचाच विचार करायचा झाल्यास गेल्या पंधरा दिवसांत सोनं तब्बल 5700 रुपयांनी स्वस्त झालं आहे. गुरुवारी सोन्याचा भाव 74500 रुपयांपर्यंत खाली आला होता. तर चांदी हा धातू गेल्या 15 दिवसांत तब्बल 11 हजार रुपयांनी स्वस्त झाला आहे. त्यामुळे चांदीचा दर 89 हजार रुपयांपर्यंत खाल आला आहे.गुरुवारी सोने 900 रुपयांनी तर चांदी 1800 रुपयांनी स्वस्त झाले आहे.
कोणत्या दिवशी सोने, चांदीचा काय भाव होता?
>>>> 30 ऑक्टोबर- सोने-80200 रुपये, चांदी- 1 लाख रुपये
>>>> 1 नोव्हेंबर- सोने- 79400 रुपये, चांदी- 96500 रुपये
>>>> 5 नोव्हेंबर- सोने- 78900, चांदी- 95500 रुपये
>>>> 11 नोव्हेंबर- सोने- 77300 रुपये, चांदी- 91800 रुपये
>>>> 12 नोव्हेंबर- सोने- 75800 रुपये, चांदी- 90500 रुपये
>>>> 13 नोव्हेंबर- सोने- 75600 रुपये, चांदी- 90800 रुपये
>>>> 14 नोव्हेंबर- सोने- 74500 रुपये, चांदी- 89000 रुपये
लग्नसराईत लोकांना दिलासा
आता लग्नसराई चालू झाली आहे. लग्न म्हटलं की अनेक लोक सोने आणि चांदीचे दागिने घेतात. सोने-चांदीची आभूषणे तयार करून लग्नसोहळा आणखी शानदार करण्यासाठी प्रयत्न केले जातात. मात्र काही दिवसांपूर्वी या मौल्यवान धातूंमध्ये सातत्याने वाढ होत होती. त्याळे लग्नसराईतही हीच भाववाढ कायम राहणार का? असा प्रश्न अनेकांना पडला होता. मात्र आता जागतिक पातळीवर बदललेल्या परिस्थितीमुळे भारतात सोने आणि चांदीचा दर घसरला आहे. हीच घसरण कायम राहिल्यास सोने-चांदी खरेदीदारांना दिलासा मिळेल. तर दुसरीकडे सोन्यात गुंतवणूक करण्यासाठीही हीच नामी संधी असू शकते.
हेही वाचा :
206 कोटींच्या महत्त्वाच्या आयपीओला ब्रेक, अनेक तक्रारी आल्यानंतर सेबीचा निर्णय!
'या' पाच स्टॉक्सचा शेअर बाजारात धमाका! भविष्यात देणार 35 टक्क्यांपर्यंत रिटर्न्स!