Business News : जर कोणाला आयुष्यात काही करायचे असेल तर लाखो अडथळ्यांचा सामना करूनही ते यश मिळवतो. अनेक वेळा अपयशी होऊनही यशाची शिखरे गाठणाऱ्या अनेकांच्या यशोगाथा आपण ऐकल्या आहेत. अशीच एक यशोगाथा म्हणजे बोट (boAt) कंपनीचे सह-संस्थापक अमन गुप्ता यांची. ज्यांना चांगला अभ्यास करूनही अनेकदा अपयशाला सामोरे जावे लागले.
अमन गुप्ता यांचा जन्म दिल्लीत 1982 साली एका मध्यमवर्गीय कुटुंबात झाला. त्यांनी दिल्ली विद्यापीठातून पदवीचे शिक्षण घेतले. त्यानंतर त्यांनी सीएचे शिक्षण पूर्ण केले. अमन गुप्ता यांनी सीएची परीक्षा दिली तेव्हा ही परीक्षा उत्तीर्ण होणारे ते सर्वात तरुण सीए होते.
लहानपणापासूनच व्यापारी होण्याचे स्वप्न
अमन गुप्ता यांचा जन्म 1982 मध्ये दिल्लीत एका मध्यमवर्गीय कुटुंबात झाला. त्यांनी दिल्ली विद्यापीठातून पदवीचे शिक्षण घेतले. त्यानंतर त्यांनी सीएचे शिक्षण पूर्ण केले. अमन गुप्ता यांनी सीएची परीक्षा दिली तेव्हा ही परीक्षा उत्तीर्ण होणारे ते सर्वात तरुण सीए होते. त्यानंतर अमेरिकेत जाऊन एमबीए पूर्ण केले.
अमनच्या वडिलांची इच्छा होती की त्याने चार्टर्ड अकाउंटंट होऊन या क्षेत्रात काम करावे, पण अमनला स्वतःचा व्यवसाय करायचा होता. सुरुवातीला वडिलांचा सल्ला मानून त्यांनी सिटी बँकेत सहाय्यक व्यवस्थापक म्हणून काम केले.
सिटी बँकेत काम केल्यानंतर त्यांनी Advanced Telemedia Private Limited ची स्थापना केली. 2005 ते मार्च 2010 पर्यंत त्यांनी या कंपनीत सीईओ पद भूषवले. बोट बसवण्यापूर्वी अमनच्या पाच व्यवसायांना टाळे लागले होते. एक वेळ अशी आली की त्याला बँकेकडून कर्जही मिळाले नाही. यानंतरही त्याने आपली स्वप्ने सोडली नाहीत. 2016 मध्ये अमन गुप्ता यांनी समीर मेहता यांच्यासोबत बोटची स्थापना केली. लाइफस्टाइल कंपन्यांमध्ये बोटचा समावेश होतो. ज्यांचे मूल्य आज सुमारे 11 हजार कोटी रुपये आहे. त्यांच्या कंपनीची उत्पादने तरुणांना खूप आकर्षित करत आहेत. फॅशनेबल ऑडिओ उत्पादनांनी अनेक मोठ्या नामांकित कंपन्यांच्या उत्पादनांना मागे टाकले आहे.