जगातील अब्जाधीशांना मोठा झटका, बँकेच्या एका निर्णयाचा अनेकांना हादरा, संपत्तीत मोठी घट

जगातील अब्जाधीशांना मोठा झटका बसला आहे. त्यांच्या संपत्तीत मोठी घट झाली आहे अमेरिकेच्या फेडरल रिझर्व्ह बँकेनं अब्जाधीशांना हा मोठा धक्का दिला आहे.

Billionaires wealth : जगातील अब्जाधीशांना मोठा झटका बसला आहे. त्यांच्या संपत्तीत मोठी घट झाली आहे अमेरिकेच्या फेडरल रिझर्व्ह बँकेनं अब्जाधीशांना हा मोठा धक्का दिला आहे. अमेरिकेची केंद्रीय बँक फेडरल रिझर्व्हने व्याजदरात कोणतीही कपात केलेली नाही. सलग तीन वेळा दर कमी केल्यानंतर सेंट्रल बँकेने यावेळी कोणताही निर्णय घेतला नाही. 

अमेरिका हा जगातील सर्वात शक्तिशाली देश आहे, त्यामुळे तेथे धोरणात्मक पातळीवर जे काही बदल घडतात, त्याचा प्रभाव जगभर दिसून येतो. डोनाल्ड ट्रम्प देशाचे अध्यक्ष झाल्यापासून त्यांच्या निर्णयांचा जागतिक अर्थव्यवस्थेवर परिणाम होत आहे. दरम्यान, फेडच्या दरात कपात न करण्याच्या निर्णयाचा परिणाम जगभरातील अब्जाधीशांच्या संपत्तीवरही दिसून येत आहे. फ्रान्सपासून अमेरिकेपर्यंतच्या अब्जाधीशांच्या संपत्तीत घट झाली आहे. ब्लूमबर्ग बिलियनेअर्स इंडेक्सच्या अहवालानुसार, यूएस सेंट्रल बँकेच्या निर्णयानंतर अब्जाधीशांच्या संपत्तीत घट झाली आहे. निर्देशांकानुसार, या निर्णयानंतर फ्रेंच उद्योगपती बर्नार्ड अर्नॉल्ट आणि एलोन मस्क यांच्या संपत्तीत घट झाली आहे. कोणत्या अब्जाधीशाच्या संपत्तीत नेमकी किती घट झाली याबाबतची माहिती जाणून घेऊयात. दरम्यान, अमेरिकेत झालेल्या आर्थिक घडमोडींचा मोठा फटका जगातील इतर देशांवर देखील होताना दिसत आहे. फेडरल रिझर्व्ह बँकेच्या धोरणाचा तर मोठा परिणाम इतर देशांवर होत असतो. यावेळी व्याजदरात कोणतीही कपात न केल्यामुळं अब्जाधिशांचं मोठं नुकसान झालं आहे. 

बर्नार्ड अर्नॉल्टचे सर्वाधिक नुकसान 

फेडच्या या निर्णयानंतर बर्नार्ड अर्नॉल्टला सर्वाधिक नुकसान सोसावे लागले आहे. ब्लूमबर्ग इंडेक्सनुसार, त्यांना सर्वाधिक 9.55 अब्ज डॉलर्सचे नुकसान झाले आहे. त्यांची एकूण संपत्ती आता 197 अब्ज डॉलर्स आहे.

एलन मस्कचेही मोठं नुकसान 

अमेरिकन राष्ट्राध्यक्षांचे मित्र आणि जगातील सर्वात श्रीमंत व्यक्ती एलन मस्क यांचेही नुकसान झाले आहे. यूएस सेंट्रल बँकेच्या निर्णयानंतर अमेरिकेतील दिग्गज उद्योगपती एलन मस्क यांच्या संपत्तीत 7.12 अब्ज डॉलरची घट झाली आहे. निर्देशांकानुसार त्यांची एकूण संपत्ती आता 421 अब्ज डॉलर्स आहे.

बेटेनकोर्ट मेयर्स यांच्या संपत्तीत 2.25 अब्ज डॉलरची घट 

तसेच फ्रेंच उद्योगपती फ्रँकोइस बेटेनकोर्ट मेयर्स यांच्या संपत्तीत 2.25 अब्ज डॉलरची घट झाली आहे. फेडच्या घोषणेनंतर, अमेरिकन उद्योगपती लॅरी एलिसन, स्टीव्ह बाल्मर आणि बॉब दुग्गन यांच्या निव्वळ संपत्तीमध्ये घट झाली आहे.

महत्वाच्या बातम्या: